web counter
LEXO PA REKLAMA!

SHKARKO APP

App Store
Google Play

E fundit!

x

Eni Vasili në krye të RTSH-së/ Mulosmani: Paçavra si Vangjeli, votojnë kukullat e Kreut në RTV Publik

25 Prill 2025, 16:34, Politikë CNA

Eni Vasili në krye të RTSH-së/ Mulosmani: Paçavra si

Gazetari Ermal Mulosmani ka komentuar zgjedhjen e Eni Vasilit në krye të RTSH-së si drejtoreshë e Përgjithshme e RTV Publik.

Mulosmani e përgëzon për detyrën e re por thekson se emri i saj ishte ndër të preferuarit e “kreut të organizatës.”

Gazetari thekson se paçavra si Lorenc Vangjeli, i cili është anëtar i Këshillit Drejtues, në darkë paguhen për të bërë propagandë pro Kreut në televizione private ndërsa ditën për të votuar kukullat e Kreut në RTV Publik.

“Urime Eni Vasilit për zgjedhjen në detyrën e Drejtorit të Përgjithshëm të RTSh-së!

Megjithatë duhet t'i them disa gjëra. Çdo njeri që merret pak me jetën publike në Shqipëri, e di që emri i saj ishte përzgjedhur nga Kreu i Organizatës si i preferuari prej muajsh. Kur disa sejmenë menduan se janë të pavarur dhe vendosën ndryshe (ish anëtarët e Këshillit Drejtues të RTSH-së), u sikterosën si grup armiqësor në Parti dhe u zëvendësuan me një superqokë dypalëshe (PS-PD). Në fakt e meritonin, asnjë keqardhje. Por mendoja se do të viheshin njerëz me integritet jo të njëjtat karaktere por me dukje tjetër.

Tani nuk ka surpriza, çdo gjë u rivu në vend.

Por fakti që u vu në vend dëshira e Kreut të Organizatës nxjerr disa gjëra të çuditshme në dritë.

Pse emërohet një Këshill Drejtues kur ai është veç një kukull në duart e Kreut? Kështu edhe do kurseheshin disa para të vogla për njerëz parazitarë (mes të cilëve doja të isha edhe vetë).

Pse nuk ndërrohet kandidatura qoftë edhe për të ruajtur formalisht nderin e një Këshilli Vangjelist? Paçavra si Vangjeli, në darkë paguhen për të bërë propagandë pro Kreut në televizione private ndërsa ditën për të votuar kukullat e Kreut në RTV Publik. Një përdorim në të dyja anët e një paçavre. Që angullin kur ka para Kreun dhe ulërin kur ka përballë kundërshtarët e tij. E kam fjalën për Lorenc Vangjelin, sigurisht. Ai i ka dalë zot turpit të vet publikisht ndaj kurrfarë mëshire nuk kam për të.

Sa për Enin tani. E mbaj mend kur gjimnaziste e solli një regjisor i njohur  në Televizion, e kishte komshi në pallat: "Pse nuk vjen në Tv, ti je e bukur, e shkathët"? - i tha regjisori.

Dhe Eni vërtetë ishte e shkathët. Folëse, gazetare, mikeshë e shumë njerëzve të shquar të kohës ajo bëri përpara. Më vonë u bë moderatore debatesh ku njohu limite të tjera.

Sot mendoj që është zgjedhje jo e keqe. Të paktën në nisje. Më pëlqen, do ta kisha votuar edhe unë. Porrrrr, me një rezervë të vogël: ishte e zgjedhura e Kreut të Organizatës. Ndoshta kjo do ishte një arsye për të mos e votuar”, shkruan Mulosmani./ CNA





Lajmet e fundit nga