web counter
LEXO PA REKLAMA!

SHKARKO APP

App Store
Google Play

Peleshi: Me një ekonomi 2.7 herë më të madhe, sfida e pensioneve realizohet këtë mandat

25 Prill 2025, 20:58, Politikë CNA

Peleshi: Me një ekonomi 2.7 herë më të madhe, sfida e

Drejtuesi politik i Partisë Socialiste për qarkun e Korçës, Niko Peleshi, zhvilloi një takim me banorët e fshatit Selenicë në Kolonjë, ku foli për arritjet ekonomike të qeverisë dhe sfidat që mbeten për t’u përballuar në mandatin e ardhshëm.

“Shqipëria ka një buxhet të trefishuar në krahasim me vitin 2013 dhe një ekonomi 2.7 herë më të madhe. Prandaj edhe sfida e pensioneve, që është ndër më të vështirat, është e mundur të zgjidhet në këtë mandat,” u shpreh Peleshi, duke kërkuar mbështetjen e banorëve në zgjedhjet e 11 majit.

Më tej, ai theksoi rëndësinë e projekteve infrastrukturore për zhvillimin e Kolonjës, duke përmendur përfundimin e rrugës që shkurton distancën me Korçën dhe nisjen e një projekti të ri që lidh këtë zonë me Gjirokastrën dhe bregdetin. Sipas tij, këto investime do të ndikojnë ndjeshëm në rritjen e numrit të turistëve në këtë trevë të rëndësishme të juglindjes.

Në këtë takim, Peleshi ishte i shoqëruar edhe nga kandidati për deputet, Ilirjan Pendavinji i cili ndau me banorët disa prej prioriteteve që lidhen me zhvillimin e zonës dhe nevojat e komunitetit lokal./ CNA

 





Lajmet e fundit nga