web counter
LEXO PA REKLAMA!

SHKARKO APP

App Store
Google Play

“Derën e integrimit e kemi të hapur”/ Rama: Votoni për Shqipërinë në BE

25 Prill 2025, 18:31, Politikë CNA

“Derën e integrimit e kemi të hapur”/ Rama: Votoni

Kryeministri Edi Rama ishte sot në Shkodër, ku zhvilloi edhe një takim zgjedhor. Në fjalën e tij, Rama i dha një hapësirë të gjerë çështjes së integrimit europian të Shqipërisë.

Rama tha se ky është momenti për tu fokusuar te integrimi, pasi BE-ja nuk e mban derën hapur gjithmonë.

Rama u shpreh se 27 vendet e Bashkimit Europian tanimë janë të gjitha dakord për këtë zhvillim.

Rama tha se arsyeja që duhet edhe një mandat i katërt është fakti që tani është koha e duhur për integrimin dhe kërkoi mobilizim që më 11 maj të votohet edhe për Shqipërinë në BE.

“Ky është momenti. Dhe kini parasysh që Be nuk e mban derën hapur gjithmonë. Është hera e parë që nga 1990 që dera është hapur. Nuk thonë fjalitë e zakonshme që një ditë do të jemi në BE. Na kanë vënë në tavolinë negociatat që t’i mbyllim në vitin 2027.

Por pse nuk mjaftuan 3 mandate? Kjo është historia e Europës dhe BE-së. Po të ishte histori ime apo e PS-së, Mali i Zi dhe Serbia i kanë hapur më herët negociatat, apo Maqedonia që ndryshoi edhe emër.

Që të jesh pjesë duhet të duan edhe ata dhe të ta hapin derën. Është një shtëpi e pasur me 27 anëtarë. Nuk hapet dera nëse të 27-të vendet nuk janë të gjithë dakord. Dhe ju e dini mirë se 3-4 vite dera nuk na u hap prej Hollandës.

Sot 27 venddet kanë rënë dakord. Do bëjmë gjithccka kemi në dorë dhe të mobilizohemi maksimalisht që më 11 maj të marrim fuqi që të mbyllim negociatat”,-tha Rama./CNA





Lajmet e fundit nga