web counter
LEXO PA REKLAMA!

SHKARKO APP

App Store
Google Play

Incidenti me eksponentin e PD-së/ Këlliçi: Rama kërkon të përgjakë Dibrën

26 Prill 2025, 16:25, Politikë CNA

Incidenti me eksponentin e PD-së/ Këlliçi: Rama kërkon

Kandidati për deputet i Partisë Demokratike, Belind Këlliçi ka reagur sot ndaj incidentin të ndodhur pak ditë më parë me eksponentin e PD-së në Dibër. Në një deklaratë për mediat, Këlliçi e quan si akt përmes së cilit po tentohet të implementohet me dhunë Manuali 184/2.

Këlliçi tha se PD e dënon këtë akt, më ashpërsinë më të madhe, për dhunën fizike të ushtruar në Dibër.

Këlliçi akuzoi kryeministrin Edi Rama se po përgjak Dibrën nëpërmjet këtyre akteve.

“Vetëm pak ditë pasi Drejtuesi Politik i Qarkut Dibër, Blendi Klosi, kërcënonte diasporën  se  patronazhistët e tij do e merrnin  vesh me çdo mjet se për kë do votonin, Partia Socialiste në Dibër, duke ndjerë humbjen  e thellë më 11 Maj, nuk po i  ndal tentativat e dhunës dhe përpjekjen e saj për të ushtruar terror ndaj demokratëve dhe qytetarëve të qarkut Dibër.

Partia Demokratike dënon me ashpërsinë më të madhe dhunën fizike të paprecedentë që, Jeton Dani, babai i kandidatit të Partisë Socialiste Murat Dani, së bashku me disa mbështetës të tij, sëbashku me disa vrasës si dhe mercenarë në Policinë e Bulqizës, kanë ushtruar ndaj kreut të degës së Partisë Demokratike Bulqizë, Shaqir Manjani dhe kryetarit të Forumit Rinor në Bulqizë, Klajdi Patria, të dy politikanë model në zonë, shembull të qytetarisë dhe integritetit.

Drejtuesi Politik në Qarkun Dibër, Deputeti Xhelal Mziu, ka njoftuar strukturat e rendit se po provokohen në takime elektorale nga zyrtarë të administratës, por urdhri i drejtuesve të Policisë Dibër mesa duket ka qenë i qartë të zbatohet platforma Edi Ramës “hëngshin kokat e njëri-tjetrit”

I bëjmë thirrje demokratëve të Dibrës të mos tremben dhe të mos intimidohen nga këta kriminelë me uniformë shteti se përgjigjen do ta marrin në bazë të ligjit, në raport të drejtë me aktet e rënda që po kryejnë.

Këta kriminelë elektoralë po tentojnë të përgjakin Dibrën, por ne do ti mbrojmë qytetarët e Dibrës nga këto banda.

U bëj thirrje socialistëve të ndershëm të Dibrës, të mos bëhen kurbanë elektoralë të Blendi Klosit dhe Edi Ramës, njeriun që përçmon Dibrën dhe mbarë Shqipërinë”,-tha Këlliçi./CNA

 





Lajmet e fundit nga