web counter
LEXO PA REKLAMA!

SHKARKO APP

App Store
Google Play

Ekskluzive për CNA/ Shehaj: Nuk e ndjek Ramën, luftojmë për mandate në çdo qark

26 Prill 2025, 20:06, Politikë CNA

Ekskluzive për CNA/ Shehaj: Nuk e ndjek Ramën, luftojmë për

Kreu i Partisë Mundësia, Agron Shehaj ka dhënë një intervistë ekskluzive për CNA TV. Në këtë intervistë, Shehaj u ndal në ngjarjen kryesore politike të vitit në vend: zgjedhjet parlamentare të 11 majit.

Ndër të tjera, Shehaj ka ndarë komentin e tij mbi deklaratën e kryeministrit Edi Rama në një takim, se në Korçë do marrë 7 mandate. Shehaj u shpreh se këto janë thjesht dëshirat e Ramës.

Nga ana tjetër, si drejtues i një partie të re politike, Shehaj theksoi se po bëhen përpjekje që në çdo qark të fitohet nga një mandat.

Shehaj tha se ky nuk është thjesht mendimi i tij, por mbështetet edhe nga sondazhet e prillit.

“Unë nuk e kisha dëgjuar, tani po ma thua ti se çfarë ka thënë Edi Rama se nuk është se e ndjek shumë në fakt në lidhje me këto dëshirat e Edi Ramës. Ajo që mund të them unë është që ne jemi qartësisht në të gjithë Shqipërinë forca e tretë politike, jemi një parti politike e re e sapokrijuar, dhe jemi mbi shumë forca të tjera politike të reja. Kështu që ne luftojmë pothuajse kudo për një mandat dhe nëse në çdo qark do ketë një nga partitë e reja një mandat, sigurisht që këtë mandat do ta marrë Partia Mundësia. Të gjitha sondazhet e Prillit që bëhen tani, 20 ditë para zgjedhjeve, thonë pikërisht të njëjtën gjë, që ne jemi partia e parë pas PS e PD, pothuajse në gjithë Shqipëri”,-tha Shehaj./CNA

 

 





Lajmet e fundit nga