web counter
LEXO PA REKLAMA!

SHKARKO APP

App Store
Google Play

Testi "i hapur" për PS-në dhe Tiranën

5 Mars 2026, 16:01, Politikë CNA

“U kam thënë se mungesa e kryetarit të zgjedhur (Erion Veliaj) do të jetë një problem, por ju nuk e keni marrë shumë seriozisht në atë kohë”.

Këtë raportohet të ketë thënë mësditën e së mërkurës kryeministri dhe njëherësh kryesocialisti Edi Rama, gjatë mbledhjes njëorëshe në selinë e PS-së me deputetët e Qarkut të Tiranës dhe drejtuesit e bashkisë, teksa u jepte porosi për përgatitjen para zgjedhjeve të qershorit për kryetarët e degëve.

Qartazi, artikulimi i Ramës vjen si një paralajmërim për strukturat lokale, ku pritet të vendoset për emrat që do të drejtojnë degët e PS-së për Tiranën, që konsiderohet edhe si zona më e rëndësishme për nga ndikimi politik dhe një lloj testi për partitë politike, e konkretisht, për mazhorancën.

Testi "i hapur" për PS-në dhe Tiranën
Rama dhe Veliaj në një takim në terren

Duket sikur mungesa e një kryetari, në këtë rast të arrestuar prej më shumë se një viti dhe mbi të cilin rëndojnë 13 akuza për pesë vepra të rënda penale, vjen si një ‘alarm’ për socialistët, por a duhet të jetë kështu?

Nëse socilalistët shqetësohen se mund të ketë një ‘krizë’ për PS-në në Tiranë prej Erion Veliajt, mbase kjo tregon se ka ardhur koha për një reflektim në radhët e tyre për mënyrën se si është krijuar modeli i drejtimit politik të lidhur rreth një individi.

Në fakt, ky qëndrim duket si një goditje e hapur ndaj vetë Edi Ramës, për rolin e tij si drejtues i socialistëve dhe mënyrës se si ka vepruar deri më tani në aspektin organizativ.

Testi "i hapur" për PS-në dhe Tiranën
Rama dhe Veliaj në një nga takimet në selinë e PS-së

Është hera e dytë që Rama përmend Erion Veliajn para socialistëve brenda pak ditëve, teksa më 26 shkurt, gjatë mbledhjes së Grupit Parlamentar të Partisë Socialiste, mbajti një leksion të gjatë për drejtësinë dhe prezumimin e pafajësisë për zyrtarët, duke folur tërthorazi edhe për Veliajn.

Vlen të theksohet se ndaj kryebashkiakut të Tiranës, Erion Veliaj, i cili ndodhet prej më shumë se një viti në qelitë e Burgut të Durrësit, rëndojnë këto akuza:

1.“Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Agi Kons” sh.p.k., parashikuar nga neni 260 e 25 i Kodit Penal;
2. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Fusha” sh.p.k., parashikuar nga neni 260 e 25 i Kodit Penal;
3. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Palushi” sh.p.k., parashikuar nga neni 260 e 25 i Kodit Penal;

4. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Gerard-A” sh.p.k., parashikuar nga neni 260 e 25 i Kodit Penal;
5. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Kontakt” sh.p.k., parashikuar nga neni 260 e 25 i Kodit Penal;
6. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Eventus” OJF, parashikuar nga neni 260 e 25 i Kodit Penal;
7. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Muza” OJF, parashikuar nga neni 260 e 25 i Kodit Penal;

8. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “BYL-A” OJF, parashikuar nga neni 260 e 25 i Kodit Penal;  9. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Frobolous” OJF, parashikuar nga neni 260 e 25 i Kodit Penal;
10. “Pastrimi i produkteve të veprës penale ose veprimtarisë kriminale”, kryer në bashkëpunim më shumë se një herë, parashikuar nga neni 287/2 i Kodit Penal;
11. “Futja ose mbajtja e sendeve të ndaluara në institucionin e ekzekutimit të vendimeve me burgim”, më shumë se një herë, parashikuar nga neni 324/a/2 i Kodit Penal;
12. “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, parashikuar nga neni 257/a/2 i Kodit Penal;
13. “Shpërdorimi i detyrës”, parashikuar nga neni 248 i Kodit Penal.

Arrestimi i Erion Veliajt u krye më 10 shkurt 2025, pas një hetimi të gjerë nga SPAK-u, që përfshiu edhe bashkëshorten e kryebashkiakut Ajola Xoxa, si edhe bashkëpunëtorët e shumtë të çiftit.

Prej më shumë se një viti, Veliaj ka ngritur pretendime të ndryshme për rastin, duke shkuar edhe në hapa të tjerë, përmes artikujve të paguar nëpër media dhe lobime, për t’iu shmangur drejtësisë./CNA

 

 

 





Lajmet e fundit nga