web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e ish-deputetit/ Berisha mesazh ngushëllimi

4 Mars 2026, 21:53, Politikë CNA

Ndarja nga jeta e ish-deputetit/ Berisha mesazh ngushëllimi

Kryetari i Partisë Demokratike, Sali Berisha ka reaguar me anë të një postimi në rrjetet sociale për ndarjen nga jeta të ish-deputetit Tomor Dosti.

Në reagimin e tij, Berisjha shkruan se shpreh nderimin më të madh për kontributin e Dostit dhe mirënjohje për bashkëpunimin mes tyre.

Kryedemokrati ka shprehur ngushëllimet ndaj familjes së ish-deputetit Dosti.

 

 

Postimi i Berishës

 

Nderim për Tomor Dostin.

Të dashur miq, Tomor Dosti mbylli sytë përgjithmonë. Pasardhës i njërës prej familjeve më të shquara të Shqipërisë, bir i Hasan Dostit, intelektualit dhe atdhetarit të shquar, Kryetarit të Komitetit të Shpëtimit Kombëtar të Mukjes dhe drejtues kryesor i Ballit Kombëtar. Tomor Dosti që nga fëmijëria e tij përjetoi kalvarin e egër të luftës së klasave, përsekutimin, burgosjen dhe internimin në burgjet dhe kampet e diktaturës komuniste. Tomori mbështeti që në fillim përmbysjen e diktaturës komuniste dhe vendosjen e pluralizmit. Pas themelimit të Partisë Demokratike ai është zgjedhur përfaqësues deputet i saj në Parlamentin e Shqipërisë. Në vitet 1992-1996 Tomor Dosti është zgjedhur në postet drejtuese të Nënkryetarit dhe Sekretarit të Përgjithshëm të Partisë Demokratike.

Duke shprehur nderimin tim më të madh për kontributin e tij të çmuar dhe mirënjohjen e thellë për bashkëpunimin që kemi pasur, shpreh ngushëllimet e mia më të ndjera familjes së tij të nderuar, miqve dhe të afërmve të tij dhe lutem së bashku me ta që shpirti i mirë i Tomor Dostit të gjejë paqen e merituar. Amin!





Lajmet e fundit nga