web counter
LEXO PA REKLAMA!

SHKARKO APP

App Store
Google Play

Zhulali: Rama kërkon të zhbëjë procesin e integrimit, të veprohet me shpejtësi

3 Mars 2026, 19:27, Politikë CNA

Zhulali: Rama kërkon të zhbëjë procesin e integrimit,

Ekspertja e integrimit, Ilda Zhulali komentoi sot situatën politike në vend dhe hapat e qeverisë, duke e lidhur me rrugëtimin drejt Bashkimit Europian.

 Zhulali tha për “Syri Tv” se Shqipëria duhet të veprojmë me shpejtësi drejt këtij procesi, në një kohë kur rajoni është drejt kësaj perspektive bashkë me vende të tjera, si Ukrania, teksa akuzoi kryeministrin Edi Rama se po tenton të dalë kundër integrimit. 

“Ne jemi në një moment shumë të rëndësishëm gjeopolitik, për shkak të lëvizjeve të shpeshta, të befta dhe përvijimit të aleancave të reja ndërkombëtare. Shqipëria është e mirëvendosur në aleancën brenda NATO-s dhe me Bashkimin Evropian, ku ka një perspektivë të qartë anëtarësimi. Këtë perspektivë nuk e ka vënë në pikëpyetje askush deri tani. Ajo që diskutohet sot në Bashkimin Evropian është shpejtësia e kësaj lëvizjeje, ku vend pararendës është Mali i Zi, dhe pas Malit të Zi më pas vjen Shqipëria si vend me potencialin për t'u anëtarësuar. Dhe ndërkohë që vëmendja është krejtësisht në vende të tjera, si në Ukrainë, tashmë në Lindjen e Mesme, Edi Rama kërkon të zhbëjë një proces, pra dhe ankorimin e qartë të Shqipërisë në hapësirën gjeopolitike, dhe kjo është në dëm të shqiptarëve, veçanërisht, duke patur parasysh këtu edhe pozicionin e Kosovës, gjeopolitik të saj, e cila për fat të mirë, këto muajt e fundit ka marrë një kthesë pozitive”,-tha Zhulali./CNA





Lajmet e fundit nga