web counter
LEXO PA REKLAMA!

SHKARKO APP

App Store
Google Play

“Ajatollahu i fundit i Europës”/ Balla: Berisha udhëronte protestuestit të sulmonin godinat

2 Mars 2026, 18:32, Politikë CNA

Kreu i Grupit Parlamentar të PS-së, Taulant Balla u ndal sot te mënyra sesi po zhvillohen protestat kombëtare të opozitës.

Në fjalën e tij gjatë seancës plenare, Balla tha se protestat udhëhiqen nga kryedemokrati Sali Berisha, që e cilësoi si Ayatollahun e fundit në Europë, përmes akteve të dhunës. 

“Qeveria shqiptare përmes kryeministrit e ka bërë të qartë mbështetjen e Shqipërisë ndaj ndërhyrjes së SHBA dhe Izraelit në një sulm parandalues ndaj Iranit dhe po ashtu sikurse jeni në dijeni Rama ka shprehur solidaritetin e plotë të Shqipërisë me vendet në Gjirin Persik që janë kthyer në target të regjimit në shkatërrim e sipër të Ajatollahëve në Iran. Kryeministri ka biseduar sot me presidentin e Emirateve të Bashkuara Arabe, dhe po ashtu ka shprehur solidaritetin dhe me vend të tjera mike, por siç jeni në dijeni ka pasur sulme ndaj Qipros. E mirëpresim propozimin tuaj për të pasur një qëndrim, poir besoj se qëndrimi ka qenë i qartë. Në të njëjtën linjë me atë që presidenti Trump konfirmoi se objektivi i SHBA ishte të mbronte popullin amerikan dhe vendet aleate duke eliminuar kërcënimet ndaj regjimit iranian. Ndërkohë që SHBA dhe Izraeli me forcat e tre godisnin objektivat e regjimit të Ajatollahëve, Ajatollahu i fundit në Europë, Sali Berisha urdhëronte ju dhe ata që iu vijnë nga mbrapa të sulmonit godina. Në ato godinë vetëm Saliu ka qenë brenda, asnjëri nga ne. I vetmi që mund të hynte në atë godinë dhe të ngrohej pranë zjarrit bubulak të diktatorit, ishte Ajatollahu i partisë tuaj. Besoj që sot është dita që në emër të PD në linjë me grupin e partive popullore evropiane në PE, e thënë qartë përmes McAlister, që duhet të distancoheni nga dhuna”,-tha Balla./CNA





Lajmet e fundit nga