web counter
LEXO PA REKLAMA!

SHKARKO APP

App Store
Google Play

E fundit!

x

Sulmi tek vila e ish-diktatorit/ Rama: Çmenduria e barbarisë së protestuesve të opozitës

1 Mars 2026, 12:19, Politikë CNA

Sulmi tek vila e ish-diktatorit/ Rama: Çmenduria e barbarisë së

Kryeministri Edi Rama ka reaguar në platformën ‘X’ lidhur me tensionet në protestën e djeshme të opozitës, që vijoi edhe me hedhje lëndësh shpërthyese drejt vilës së ish-diktatorit Enver hoxha.

Rama shprehet se kjo godinë, që tanimë njihet si rezidencë artistësh nga mbarë bota, i ka traumatizuar.

Sipas kryeministrit, ky sulm është pjesë e çmendurisë së barbarisë që ndodhi nga protestuesit e PD-së.

“Sapo dola nga rezidenca e artistëve në ish-shtëpinë e diktatorit, ku prej kohësh tanimë fondacioni prestigjoz Art Explora mikpret të rinj të talentuar nga Shqipëria, Kosova e mbarë bota, të cilët i gjeta të traumatizuar nga çmenduria e barbarisë së mbrëmshme.

Një sulm i verbër i një grushti të verbërish të paguar për të frikësuar qytetin dhe njollosur Shqipërinë, nën udhëheqjen e një ligësire kriminale tetëdhjetë e kusur vjeçare, që mban nga pas ca hunj gardhi me status deputeti, e që vjen vërdallë si i marri i lagjes nëpër Tiranë, ndërkohë që s’ia var më thuajse askush!

Gjykatësit që i lirojnë këta zjarrvënës të rrezikshëm, sa herë arrestohen nga policia janë bashkëpërgjegjës për këto vandalizma të pandodhura askund në Europë me bekimin e nën hyqmin e një partie parlamentare, në selinë e të cilës nuk flitet për ide e programe, po bëhen vetëm plane dhune dhe bomba artizanale!

Turp për çdo gjykatës që rinxjerr në rrugë këta keqbërës të Shqipërisë dhe turp për qeverisjen e gjyqësorit që rri e vështron sikur Shqipëria nuk është edhe atdheu i saj!”,-shprehet Rama./CNA





Lajmet e fundit nga