web counter
LEXO PA REKLAMA!

SHKARKO APP

App Store
Google Play

E fundit!

x

Çfarë po ndodh me protestat e opozitës?

28 Shkurt 2026, 12:48, Politikë CNA

Çfarë po ndodh me protestat e opozitës?

Opozita shqiptare, e drejtuar nga Partia Demokratike, si partia më e madhe e këtij kahu politik, ka bërë prej kohësh thirrje për protesta të vazhdueshme në Tiranë.

Përmes këtyre protestave, opozita kërkon dorëheqjen e kryeministrit Edi Rama dhe krijimin e një qeverie teknike që çon në zgjedhje të parakohshme. Kjo është një nga kërkesat kryesore që përsëritet nga mbështetësit e opozitës.

Demonstratat janë nxitur edhe nga akuzat për korrupsion kundër zyrtarëve të qeverisë dhe disa ngjarje që opozita i ka konsideruar si skandale të socialistëve që janë në pushtet prej mbi 12 vitesh.

Çfarë po ndodh me protestat e opozitës?

Protestat janë zhvilluar në zonën para godinës së Kryeministrisë dhe më pas protestuesit janë zhvendosur drejt Kuvendit të Shqipërisë. Këto protesta janë shoqëruar nga bllokime rrugësh dhe mbyllje masive të qarkullimit në qendër të kryeqytetit.

Gjatë protestave janë shënuar momente përplasjesh me policinë, ku protestuesit kanë përdorur lëndë piroteknike, ndërsa forcat e rendit janë kundërpërgjigjur me gaz lotsjellës dhe ujë për shpërndarjen e tyre. Protestat kanë përfunduar me disa arrestime dhe të lënduar.

Çfarë po ndodh me protestat e opozitës?

Mesazhet e opozitës

Kryetari i Partisë Demokratike, Sali Berisha, ka bërë thirrje për mënyra të reja të protestës, duke thënë se opozita do të përdorë forma të ndryshme reagimi dhe se “asgjë nuk përjashtohet”, edhe pse thekson se synohet që gjithçka të jetë paqësore.

Edhe përfaqësues të tjerë të opozitës deklarojnë se këto protesta janë një lëvizje për të sjellë ndryshim dhe për të sfiduar atë që e cilësojnë si “kapje të shtetit” dhe mungesë të llogaridhënies.

Reagimet ndërkombëtare dhe masat e sigurisë

Ambasadat e huaja në Tiranë kanë bërë disa herë thirrje që qytetarët të tregojnë kujdes dhe kanë paralajmëruar mbi mundësinë e përshkallëzimit të situatës dhe bllokimeve gjatë protestave.

Po ashtu, mediat e huaja kanë raportuar vazhdimisht protestat, duke theksuar detaje të ndryshme nga ky zhvilim.

Çfarë po ndodh me protestat e opozitës?

Nga ana tjetër, policia ka angazhuar qindra efektivë në terren për të ruajtur rendin gjatë këtyre tubimeve, duke bërë apel që qytetarët të shmangin zonat ku zhvillohen aktivitetet masive./CNA 

 





Lajmet e fundit nga