web counter
LEXO PA REKLAMA!

SHKARKO APP

App Store
Google Play

Peleshi takon Kurtin në Prishtinë/ “Mbështesim agjendën euro-atlantike të Kosovës”

2 Mars 2026, 21:02, Politikë CNA

Peleshi takon Kurtin në Prishtinë/ “Mbështesim

Kryetari i Kuvendit, Niko Peleshi këtë të hënë ka zhvilluar takime me liderët e shtetit të Kosovës, gjatë një vizite në Prishtinë.

Peleshi deklaroi se bashkëpunimi mes Kosovës dhe Shqipërisë mbetet i palëkundur. Ai shtoi se Tirana zyrtare ka dhënë e do të japë mbështetje të plotë për agjendën euro-atlantike të Kosovës.

“Shqipëria dhe Kosova, në një bashkërendim të qëndrueshëm strategjik dhe institucional, për të çuar përpara proceset integruese dhe për të forcuar pozicionin e Kosovës në arenën ndërkombëtare. Mbështetje e plotë për agjendën euroatlantike të Kosovës.

Bashkëpunimi ynë i ngushtë mbetet i palëkundur, në funksion të paqes, stabilitetit dhe të ardhmes sonë të përbashkët europiane”, shkruan Peleshi.

Po ashtu më herët Peleshi ka zhvilluar një takim edhe me homologen e saj në Prishtinë, Albulena Haxhiun.

Kryetari i parlamentit nënvizoi se miratimi i Rezolutës në mbështetje të ish-drejtuesve të UÇK-së, nga Kuvendi i Kosovës, është shprehje e qartë e vullnetit institucional dhe solidaritetit kombëtar.





Lajmet e fundit nga