E fundit!

10:16 Politikë

Murrizi paralajmëron Berishën: Koha e këllirave duhet të marrë fund ose do fundoseni

Ish-deputeti i Partisë Demokratike, Myslim Murrizi, ka rea...

Humbi pa nam e nishan/ Shfaqet sërish “Babalja”

3 Mars 2026, 10:39, Politikë CNA

Ervin Salianji, i njohur ndryshe si "Babalja", i dënuari për kallëzim të rremë, prej ditësh ishte zhdukur nga skena politike.

Pas takimit të tij të fundit në Berat, ku e pritën vetëm një grusht njerëzish, Salianji nuk u duk më në asnjë ekran apo në asnjë nga këto takimet “famoze” ku thotë se mbledh nga 500 persona, por në fakt janë më pak se gjysma apo çereku i tyre.

Nga na humbi Salianji?
1 Mars, 17:24

Dy ditë pas takimit në një dalje televizie kërkoi dhe dorëheqjen e kreut të PD-së, Sali Berisha, duke thënë se kush humbet largohet nga drejtimi i partisë.

Në delir, "Babalja" tha se ka qenë një prej figurave më me peshë në PD-në e Korçës, duke thënë se ka fituar, ku në fakt e vërteta është e kundërta, ka pësuar humbje të njëpasnjëshme.

Po ashtu Salianji nuk u duk në protestën e fundit të opozitës në 28 shkurt, pas "show"-t politik në protestat e mëparshme ku shkonte i fundit në protestë dhe ia mbathte i pari nga protesta sapo nisnin tensionet apo përplasjet e protestuesve me policinë.

Të gjitha fitoret e Ervin Salianjit
27 Dhjetor, 11:55

Njeriu që kërkonte revoltë të fortë, të ashpër ndaj qeverisë dhe Ramës, kur vinte momenti i tensioneve ishte i pari që largohej nga protesta.

Pas zhdukjes së tij që me 20 shkurt, Salianji është shfaqur sërish dje në emisionin e Ylli Rakipit, "Të Paekspozuarit".

Më qesharakja është se "Babalja" na tregon se pse ka humbur dhe pse nuk po i zhvillon më as takimet e tij të dështuara.

Sipas tij, nuk do që t’u humbasë vëmendjen protestave. Po, në të njëjtat protesta nga të cilat shkon i fundit dhe ia mbath i pari.

“E kam ulur pak tempin për shkak të protestave, që të mos thuhet u zhvendos vëmendja”, ka deklaruar ai.

Në fakt, e vërteta është se Ervin Salianji nuk frymëzon askënd, aq më pak me fasadën dhe "show"-n politik ku bën si i “djegur” për demokratët, ku është i njëjti person që i priste ata me dru në derën e selisë blu, me urdhër të kryetarit të tij dështak dhe humbësit serial, Luli Basha./ CNA