web counter
LEXO PA REKLAMA!

SHKARKO APP

App Store
Google Play

Ambasadori i BE-së, Gonzato: BE krah Shqipërisë për ruajtjen e biodiversitetit

3 Mars 2026, 17:00, Politikë CNA

Ambasadori i BE-së, Gonzato: BE krah Shqipërisë për ruajtjen

Ambasadori i BE-së, Silvio Gonzato theksoi sot se Bashkimi Europian është krah Shqipërisë për të mbrojtur biodiversitetin e pazëvendësueshëm të vendit, si bregdeti, lumenjtë, pyjet, lagunat dhe malet

Në një takim me Ministrin e Mjedisit, Sofjan Jaupaj, Gonzato ka theksuar se EU4Nature, projekti i BE-së për mbrojtjen e natyrës synon të ndihmojë Shqipërinë në vendosjen e standardeve mjedisore.

“Projekti EU4Nature mund të luajë një rol të rëndësishëm në ruajtjen e biodiversitetit të Shqipërisë. Megjithatë, edhe autoritetet shqiptare duhet të bëjnë pjesën e tyre për të përballuar presionin në rritje mbi zonat e mbrojtura. Për më tepër, projekti po e ndihmon vendin të ecë përpara drejt standardeve mjedisore të BE-së. Por mbrojtja e natyrës shkon përtej përafrimit të politikave; kërkon veprime konkrete në terren”,-u shpreh Gonzato.

Sipas Gonzatos, ky hap është vendimtar në një kohë kur turizmi po zgjerohet dhe presioni mbi mjedisin dhe biodiversitetin po rritet./CNA





Lajmet e fundit nga