web counter
LEXO PA REKLAMA!

SHKARKO APP

App Store
Google Play

Këlliçi: Shqiptarët paguajnë miliona euro për tekat e Ramës dhe Veliajt

4 Mars 2026, 19:27, Politikë CNA

Këlliçi: Shqiptarët paguajnë miliona euro për tekat e

Deputeti demokrat, Belind Këlliçi u shpreh sot se qytetarët shqiptarë po paguajnë miliona euro për veprime të kryeministrit Edi Rama dhe kryebashkiakut të arrestuar të Tiranës, Erion Veliaj, që bazohen në humorin e tyre dhe simpatitë personale.

Përmes një postimi në rrjetet sociale, Këlliçi përmend raste të disa mediave që janë mbyllur tashmë në Shqipëri, që pasi kanë fituar gjyqet, kërkojnë dëmshpërblime që jepen nga taksat e qytetarëve.

“Shqiptarët vazhdojnë paguajnë miliona për humorin e simpatitë personale të Edi Ramës e Erion Veliajt. 

70 milionë euro që mund të ishin shkolla apo kopshte të reja, qendra të reja shëndetësore, rritje pensionesh apo rimbursim ilaçesh, i ikën buxhetit të shtetit vetëm në një vit, sepse Edi Rama dhe Erion Veliaj u bezdisen nga një televizion dhe nuk po e fusnin dot nën kontroll.

Edi Rama shpreson se do të harrohet një nga krimet më të mëdha financiare që ka bërë, duke u mohuar shqiptarëve 110 milionë euro, duke ua marrë nga taksat e puna e tyre, për të paguar skandalin e tij me Beketin.

Prej sjelles si mullah ai dhe bejnamimi i tij i asaj kohe, Veliaj, prej kërcënimeve dhe shantazheve, sipërmarrësi italian mbylli televizionin me të cilin nuk i bente fresk qeverisë dhe fitoi gjyqin në arbitrazh ndërkombëtar. 

110 milionë euro duhet tani shqiptarët të paguajnë për shkak të një trilli personal të Edi Ramës apo se Agon TV filmoi dasmën e Veliajt që nuk ishte aspak sekrete e në vend të mbyllur, por në Kalanë e Gjirokastrës.

Çdo vit nga buxheti i shtetit ikin shuma të mëdha për këto çështje të humbura për shkak të simpative personale të Palloshit të gjatë. 
A ja kanë për borxh shqiptarët, populli më i varfër në rajon e në Europë, që kryeministri të luajë me taksat e tyre në këtë mënyrë?! 

SPAK do të duhej të kishte vënë para përgjegjësisë me kohë Edi Ramën për këtë krim ekonomik. 
Por sado të vonojë, ai nuk do të shpëtojë nga dhënia e llogarisë. S’do të ketë kurrë aministi për këtë dëm që u ka bërë qytetarëve shqiptarë”,-shkruan Këlliçi./CNA

Këlliçi: Shqiptarët paguajnë miliona euro për tekat e





Lajmet e fundit nga