E fundit!

21:14 Politikë

Nga “ethet” e garës, te misioni politik/ Flasin 3 nënkryetarët e sapozgjedhur të PD-së

Zgjedhjet e zhvillura dje në Këshillin Kombëtar të Partisë...

"Të marrim 'hak' për këtë mikpritje"/ Rama fton kryeministren e Japonisë në samitin e NATO-s në Tiranë

22 Maj 2026, 14:09, Politikë CNA

Kryeministri Edi Rama mbajti fjalën e tij në takimin me homologen japoneze, Sanae Takaichi, ku ishin të pranishëm edhe delegacionet e dy vendeve.

Rama vlerësoi mikrpritjen, ndërsa shtoi se pret fuqizimin e marrëdhënieve mes dy vendeve. Gjithashtu shtoi se mbështet strategjinë e Indo-Paqësorit.

Ndër të tjera, Rama ftoi kryeministren e Japonisë në samitin e NATO-s që do të mbahet vitin e ardhshëm në Shqipëri, ku mes batutash tha se do të “marrim 'hak' për këtë mikpritje kaq të ngrohtë”.

"Së pari, më lejoni që t'ju falënderoj për mikpritjen tuaj, të cilën nuk do ta harroj dhe gjithashtu kam dëshirë të them që kam pasur mundësinë që të jem pjesë e shumë ceremonive, por kjo ceremoni e sotme është vërtetë e veçantë. Nga ana tjetër, dëshiroj të them që kjo është vizita ime e dytë në Japoni në një kohë relativisht të shkurtër dhe me shumë kënaqësi, ne presim fuqizimin e kësaj marrëdhënieje.

Marrëdhënia Japoni-Shqipëri është një marrëdhënie e cila është e bazuar te vlerat dhe te parime të përbashkëta për botën në të cilën ne dëshirojmë të jetojmë dhe po, është në fakt e vërtetë që e kam parë strategjinë e Indo-Paqësorit dhe e mbështesim atë plotësisht.

Ashtu siç mbështesim plotësisht të gjithë përmbajtjen e kësaj strategjie dhe për këtë arsye, me shumë kërshëri ne presim që të eksplorojmë mundësi të ndryshme se si mund të afrohemi me Japoninë dhe nga ana tjetër, dëshiroj t'ju them edhe paraprakisht që vitin e ardhshëm, në Tiranë, ne do të organizojmë Samitin e NATO-s. Për këtë arsye, kam kënaqësinë e veçantë që t'ju ftoj të merrni pjesë në atë Samit dhe në fakt, kur të vini, do të jetë edhe rasti i parë kur një kryeministër apo kryeministre e Japonisë të vizitojë Shqipërinë në një vizitë shtetërore dhe do të ishte kënaqësi që t'ju mikprisnim dhe në njëfarë mënyre, të marrim 'hak' për këtë mikpritje kaq të ngrohtë që ju na keni ofruar dhe na ka lënë mbresa.

Pra, edhe njëherë, e nderuar Kryeministre, faleminderit shumë dhe me shumë dëshirë dhe kënaqësi, pres bashkëbisedimin tonë. Gjithashtu, përpara se ta mbyll këtë fjalë të parë, më lejoni që t'ju përgëzoj për fitoren tuaj vërtet fantastike dhe është mbresëlënëse që shikojmë në fakt një grua në krye të qeverisë, me të gjithë të tjerët që janë burra në kabinetin e saj, jeni e dyta pas ish-kryeministres së Britanisë, së ndjerës Margaret Thatcher. Kështu që, faleminderit shumë dhe urime për ju dhe për popullin tuaj", tha Rama. /CNA