web counter
LEXO PA REKLAMA!

SHKARKO APP

App Store
Google Play

E fundit!

x

Vokshi akuza Gogut për IBAR/ Përgjigjet ministri: Smira s'u lë të shihni progresin

21 Maj 2026, 11:01, Politikë CNA

Vokshi akuza Gogut për IBAR/ Përgjigjet ministri: Smira s'u

Deputetja e Partisë Demokratike, Albana Vokshi, në seancën e sotme plenare ka akuzuar ministrin e Drejtësisë Toni Gogu se ka mashtruar në lidhje me programin e IBAR.

Vokshi i tha ministrit të dalë dhe të kërkojë falje publike për lajmet e pavërteta që ka dhënë, që sipas saj bëhen vetëm për t’i dhënë Ramës një meritë që nuk e ka.

“Gogu shpërndan lajme të pavërteta për t’i dhënë Ramës një meritë që nuk e meriton, të dalë të kërkojë falje dhe të thotë se ka qenë lajm i gënjeshtërt. Ministri të dalë të kërkojë ndjesë publike”, tha Vokshi.

 

 

Ministri i Drejtësisë, Toni Gogu, i është përgjigjur deputetes Vokshi, duke thënë se opozita është i vetmi formacion shoqëror që shkon pas.

Gogu tha se smira politike nuk e lë opozitën të shohë progresin e Shqipërisë drejt standardeve europiane.

 

“Dola në konferencë për të informuar për punën e Ministrisë së Drejtësisë në procesin e negociatave. Si ka mundësi që smira juaj politike ndaj progresit të një shoqërie të tërë, se jeni i vetmi formacion shoqëror që shkoni mbrapa. Jeni i vetmi formacion që nuk pasqyroni progresin e Shqipërisë drejt standardeve europiane. Vini këtu dhe ngrini një sërë akuzash që i kam dëgjuar edhe më përpara. Kjo ka lidhje vetëm me smirën që nuk iu lë të shihni se si progreson Shqipëria. Ngecni në standardet e një shteti të kapur”, tha Gogu.





Lajmet e fundit nga