web counter
LEXO PA REKLAMA!

SHKARKO APP

App Store
Google Play

Rama, me kritika: BE të jetë më praktike dhe funksionale, të mos varet nga 27 vetot

20 Maj 2026, 12:16, Politikë CNA

Rama, me kritika: BE të jetë më praktike dhe funksionale, të

Kryeministri Edi Rama, në një intervistë për median estoneze “Postimees”, u ndal te çështja e integrimit europian të Shqipërisë.

Sipas kreut të qeverisë, ky rrugëtim nuk lidhet me atë çfarë fitohet nga anëtarësimi, por nga bashkimi me Europën.

Më tej, Rama tha se beson në një Europë më praktike dhe më funksionale, që nuk varet nga 27 vetot e shteteve anëtare, gjë që, sipas tij, duhet trajtuar thellësisht, pasi krijon pengesë për të pasur një ritëm dhe forcë ndryshe brenda unionit. 

“Çështja nuk është shpërblimi, por Europa. Dhe nuk e thashë këtë vetëm për të hyrë në BE, por sepse besoj në një Europë më praktike dhe më funksionale. Nuk ka kuptim që Europa të varet tashmë nga 27 veto, dhe imagjinoni 29, 33 apo edhe 35 veto. Prandaj kjo është diçka që duhet trajtuar thellësisht, bashkë me shumë çështje të tjera, sepse folëm më parë për atë që e pengon Europën të ketë një ritëm dhe forcë ndryshe”,-u shpreh Rama./CNA





Lajmet e fundit nga