web counter
LEXO PA REKLAMA!

SHKARKO APP

App Store
Google Play

3 dështimet që morën me vete propagandën e Ramës!

18 Maj 2026, 15:15, Politikë CNA

3 dështimet që morën me vete propagandën e Ramës!

Deputeti i PD-së, Belind Këlliçi, ka denoncuar aferat që, sipas tij, ndonëse kryeministri Edi Rama mundohet t’i mbulojë me propagandë, fushata mburrjesh dhe mashtrimesh herët apo vonë do të dalin në dritë.

Këlliçi ka denoncuar projektin "Durrës Marina", Aeroportin e Vlorës, si dhe mungesën e shërbimeve nga platforma e-Albania.

“3 dështimet që morën me vete propagandën e Ramës!

Duke mbuluar faktet dhe realitetin me propagandë, me fushata mburrjesh e mashtrimesh, Edi Rama fiton ndoshta pak kohë, por aferat do të nxjerrin krye herët a vonë.

Durrës Marina tregoi këto ditë themelet e saj korruptive e klienteliste, duke u zhytur me 30 centimetra. Nisi pa transparencë, pa konslutë, u nda një prej pasurive më të mëdha të vendit me mikun e Edi Ramës dhe ja ku jemi sot.

Propaganda që na rrokanisi kokën se do të kemi aty një Dubai modern ra dhe në fakt kemi ndërtime jo cilësore, me paratë e shqiptarëve që kanë parapaguar dhe aspak një investim serioz 2 miliardë euro siç u premtua. Ndërkohë, nuk kemi as port!!!

Aeroporti në Vlorë, daulle propagandistike disa vjeçare. Rrahu gjoksin Edi Rama shumë kohë. Pamjet sot ku një aksioner bllokon një tjetër dhe ku dhjetra makina e punëtorë nuk lejohen të futen në objekt flasin të vërtetën e kësaj sipërmarrje, që është një aferë e Edi Ramës, pa transparencë, pa konsultë, pa ekspertizë dhe duke mos dëgjuar e injoruar shumë kontestime ekspertësh. Nuk kemi të bëjmë me një grevë siç mund të duket. Por me përplasje interesash financiare. Për shkak se është një aferë, është e lehtë që të dalin të tilla probleme, ku dikush kërkon të imponohet. Dhe ai që imponohet është ai që ka qeverinë në krah.

Propaganda e Edi Ramës thotë se jemi pararoja e Europës në teknologji dhe se qeverisjen digjitale na e kanë zili kudo. Pra mburret me produktin e atij që zyrtarisht njihet si grup i strukturual kriminal, vendosur nën akuzë nga SPAK.

U bë pothuajse një vit që bizneset dhe operatorët që kanë punë me e-Albania, ankohen se nuk marrin shërbime bazike, se platforma nuk funksionon. 3 ditë më parë u mbyll për t’u rregulluar. Sot rifilloi, por ka dhjetra e qidra raportime ku qytetarët ankohen se nuk po shkarkojnë dot faturat, se nuk veprojnë dot, nuk bëjnë dot punët që lidhen me shtetin, përmes e-Albania.

Një tjetër rënië spektakolare e propagandës.

Sa më e madhe mburrja, aq më e madhe afera.

Lakrat e punëve që ngjizen në abuzim, nuk vonojnë të dalin.

Shqiptarët nuk mashtrohen më nga një kryeministër i korruptuar deri në palcë!”, ka shkruar Këlliçi./ CNA





Lajmet e fundit nga