web counter
LEXO PA REKLAMA!

SHKARKO APP

App Store
Google Play

E fundit!

x

"Komisioni të kujdeset për kulturën"/ Zhupa: Nuk mund t’u thuhet pedagogëve artistë se nuk kanë vepra shkencore

18 Maj 2026, 14:28, Politikë CNA

Në Komisionin për Kulturën, Turizmin dhe Diasporën është zhvilluar seancë dëgjimore me artistë dhe pedagogë të Universitetit të Arteve.

Kryetarja e komisionit, Ina Zhupa, tha se është detyra e këtij komisioni të kujdeset për kulturën kombëtare dhe nëse pedagogët heqin dorë nga mësimdhënia humb arti shqiptar.

Zhupa tha se nuk mund t’u kërkohen vepra shkencore pedagogëve të artit pasi ata kënë vepra artistike. Aktiviteti i tyre, tha Zhupa, është publik dhe i mirënjohur.

“Është detyrë e këtij komisioni të kujdeset për kulturën kombëtare dhe ju kontribuoni çdo ditë në kulturën dhe identitetin kombëtar. Nëse nesër hiqni dorë nga mësimdhënia për shkak se nuk ju paguajnë dhe nuk ju njohin kontributet për karrierë, ata që humbin janë studentët tanë dhe arti shqiptar. Ndaj kjo është një çështje që shkon përtej jush, pasi prek gjithë kulturën shqiptare.

Nuk mund t’u thuhet pedagogëve artistë se nuk kanë vepra shkencore, ndërkohë që ata kanë vepra artistike që janë pasuri kombëtare dhe kontribuojnë në kulturën e vendit. Për aq kohë sa me VKM është njohur statusi i veçantë i Universitetit të Arteve, ky status duhet të njihet realisht dhe jo vetëm në letër. Aktiviteti i tyre është publik dhe i mirënjohur.

Universiteti dhe ministria nuk mund të thonë se titujt tuaj vlejnë kur u duhen fakulteteve për akreditim, por nuk vlejnë kur ju duhen juve për efekte financiare dhe avancim në karrierë. Artistët meritojnë dinjitet dhe njohje të menjëhershme e të plotë të të gjitha efekteve për titujt e tyre akademikë”, tha Zhupa.





Lajmet e fundit nga