web counter
LEXO PA REKLAMA!

SHKARKO APP

App Store
Google Play

Djegia e tregut në Lushnjë/ Korreshi: Ka qenë i konceptuar keq, gjatë verës ishte si serë

19 Maj 2026, 11:25, Politikë CNA

Djegia e tregut në Lushnjë/ Korreshi: Ka qenë i konceptuar keq,

Deputeti i Partisë Demokratike, Saimir Korreshi, ka bërë një reagim në rrjetet sociale në lidhje me djegien e tregut të fruta-perimeve në Lushnjë.

Korreshi tha se sipas informacioneve të para shkak dyshohet një shkëndijë zjarri dhe kërkoi nga autoritetet zbardhjen e plotë të ngjarjes.

Demokrati u shpreh se ky treg që në fillim ka qenë i konceptuar keq, gjë për të cilën ka pasur dhe një protestë.

 

“Malli i të gjithë tregtarëve të shkretë është djegur. Nuk e dimë çfarë ka ndodhur dhe u themi autoriteteve ta zbulojnë sa më parë, por nga informacionet e para është për një shkëndijë zjarri ose në peshore ose në karikues. Më tepër ky treg ka qenë i konceptuar keq logjik, sepse që në fillim, në krye të herës, ka pasur një protestë për mënyrën se si është mbuluar, se gjatë sezonit të verës ky ka qenë më tepër si një serë dhe fakti tregoi se të gjitha produktet, të gjithë materialet e përdorura këtu janë djegur në mënyrë të rrufeshme dhe të menjëhershme. Shyqyr që për herë të parë shërbimi zjarrfikës i ka fikur në kohë, që s'ka lënë dhe vazhdimin tjetër, se dëmet do të ishin kolosale për të gjithë këta tregtarë, të cilët, mundin e kalamajve të tyre që i kanë pasur nëpër këto banaqet këtu, e shikojnë realisht të hedhur në përrua. U bëjmë dhe një herë thirrje të gjithë organeve përkatëse: e para, zbulimin e shkaqeve, të arsyeve, ishalla s'është e qëllimshme, dhe e dyta, të dëmshpërblehen dhe të rikthehet sa më shpejt ky treg, sepse është funksional dhe ka me dhjetëra tregtarë, të cilët e kanë të vetmin burim fitimi për të mbajtur familjet e tyre”, tha Korreshi./CNA





Lajmet e fundit nga