web counter
LEXO PA REKLAMA!

SHKARKO APP

App Store
Google Play

Dëgjesat për “Territorialen”/ Mazniku: Ushtrim kompleks, mundësi për rregullim të elementëve ligjorë të funksionit të bashkive

20 Maj 2026, 10:44, Politikë CNA

Paraditen e sotme po zhvillohen seancat dëgjimore të Komisionit për Reformën Administrativo-Territoriale, me drejtuesit e te bashkive, Gjirokastër, Lezhë dhe Korçë.

Arbjan Mazniku, bashkëkryetari i këtij komisioni, theksoi se përgatitja për këtë reformë është një ushtrim kompleks.  

Në fjalën e tij, Mazniku u ndal te rëndësia e rishikimit të elementëve si ndërtimi, rrugët, shërbimi social, pyjet apo edhe kontrolli i territorit, që, sipas tij, lidhen me funskionet dhe përgjegjësitë e bashkive.

Po ashtu, Mazniku shtoi se kjo reformë do të krijojë mundësi edhe për rregullime e sistemime ligjore të lidhura me problematika të caktuara të pushtetit vendor.

“Ky është padyshim një ushtrim kompleks. Kemi mundësinë të rregullojmë elementë që kanë të bëjnë me funksionet dhe përgjegjësitë që kanë bashkitë. Janë elementë lidhur me mënyrën si funksionon çështja e ndërtimit, e rrugëve, shërbimit social, pyjeve, kontrollit të territorit. Do të kemi mundësinë të sistemojmë dhe rregullojmë edhe ata elementë ligjorë që japin mundësinë për ushtrimin e funksioneve. Ndaj është e rëndësishme që të dëgjojmë problematika të këtyre fushave, që të shohim se si mund të përmirësohemi”,-tha Mazniku./CNA





Lajmet e fundit nga