web counter
LEXO PA REKLAMA!

SHKARKO APP

App Store
Google Play

Interpelanca për sigurinë në ndërtime/ Karakaçi i përgjigjet Braçes: Synimi është të ofrojmë objekte cilësore

21 Maj 2026, 12:44, Politikë CNA

Interpelanca për sigurinë në ndërtime/ Karakaçi i

Në seancën e sotme plenare është zhvilluar interpelancë mes deputetit të Partisë Socialiste, Erion Braçe, dhe ministrit të Infrastrukturës dhe Energjisë, Enea Karakaçi, për sigurinë në ndërtime.

Karakaçi në përgjigjen e tij për deputetin tha se është hartuar një projektligj që synon ngritje strukturash për mbikëqyrjen e tregut të ndërtimeve. Projektligj që synon rrijtjen e sigurisë.

Ministri tha se materialet e importit duhet të jenë të pajisura me certifikatë cilësie nga laboratorë europianë, ndërsa materialet vendase të akreditohen nga laboratorët vendas.

Karakaçi tha në seancë se synimi i ministrisë që ai drejton dhe i projektligjeve të propozuara është ofrimi i objekteve të sigurta, cilësore dhe në përputhje me interesin publik.

 

“Projektligj që synon ngritjen e strukturave për mbikëqyrjen e tregut me qëllim rritjen e sigurisë. Po ndërmerren dhe masat ligjore për miratimin e këtij projektligji.

Kontrolli dhe disiplina në punim, përcakton rregullat dhe përgjegjësitë e të gjitha subjekteve që kanë detyrë të kontrollojnë cilësinë në punime. Materialet e importit duhet të kenë certifikatë cilësie nga laboratorë të akredituar europianë, ndërsa materialet vendase duhet të certifikohen nga laboratorë vendas.

Materialet vendosen në punim vetëm kur janë të shoqëruara me certifikatë të përputhshmërisë së standardeve. Gjatë procesit të lejes së ndërtimit, procesi i kontrollit të zhvillimit vlerëson nëse kërkesa përputhet me planifikimin.

Synimi ynë është të ofrojmë objekte të sigurta, cilësore dhe në përputhje me interesin publik”, tha Karakaçi.





Lajmet e fundit nga