web counter
LEXO PA REKLAMA!

SHKARKO APP

App Store
Google Play

“E kemi ambicie”/ Balla: Në fund të 2027 mbyllen negociatat me BE-në, procesi i ratifikimit është i gjatë

21 Maj 2026, 11:52, Politikë CNA

“E kemi ambicie”/ Balla: Në fund të 2027 mbyllen

Kreu i Grupit Parlamentar të Partisë Socialiste, Taulant Balla, tha sot jashtë ambienteve të Kuvendit se raporti i piketave të ndërmjetme do të kalojë të premten te Komiteti i Përfaqësuesve, si një fazë tjetër e vendit drejt procesit të integrimit.

Duke folur para gazetarëve, Balla theksoi edhe një herë se ambicia e mazhorancës është mbyllja e negociatave me BE-në deri në fund të vitit 2027 në përputhje me programin e dakordësuar.

Sipas Ballës, procesi i ratifikimit është i gjatë, gjë që mund të kërkojë përfshirjen e parlamenteve dhe përfshirjen e popullit me referendum.

“Jemi në përmbyllje të një jave brenda së cilës BE në respekt të procedurave burokratike kalon nga grupi i punës te Komiteti i Përfaqësuesve nesër ku në njëfarë mënyre miratohet gjithë ajo punë kolosale e bërë nga shumë institucione shtetërore të përfshira në këtë proces të adresimit të piketave të ndërmjetme. Nuk duhet të kemi frikë që anëtarësimi me faza na dëmton. Përkundrazi, s’ka të bëjë me ne. Ambicia jonë për të mbyllur negociatat deri në fund të 2027 përputhet me programin e dakordësuar. Në fund të 2027, mbyllen negociatat. Nga ai moment bëhet gati marrëveshja që shkon për t’u ratifikuar nga vendet anëtare. Nga ai moment, topi është në fushën e tyre. Procesi i ratifikimit është i gjatë, mund të kërkojë përfshirjen e parlamenteve dhe përfshirjen e popullit me referendum”,-u shpreh Balla./CNA





Lajmet e fundit nga