web counter
LEXO PA REKLAMA!

SHKARKO APP

App Store
Google Play

"Ku është djegësi i Tiranës?"/ Berisha: Në 15 projekte, vetëm një realizohet sepse të tjerat vidhen

21 Maj 2026, 15:46, Politikë CNA

"Ku është djegësi i Tiranës?"/ Berisha: Në 15

Kryetari i Partisë Demokratike, Sali Berisha, ka mbajtur fjalën e tij në seancën plenare ku ka folur për mungesën e kryeministrit Edi Rama në Kuvend.

Berisha u shpreh se Rama nuk del para qytetarëve dhe deputetëve për shkak të vjedhjeve dhe problemeve që ka shkaktuar. Sipas tij, kjo qeveri e ka zhytur vendin në varfëri dhe nuk ka kryer asnjë investim nga ato se çfarë ka premtuar.

“Kreu i ekzekutivit i tmerruar nga vetja e tij nuk guxon të dalë para qytetarëve dhe deputetëve për krimet e rënda, për problemet madhore që mbajnë autorësinë e tij. Ndërkohë shqiptarët rrokullisen çdo muaj në varfëri. Ai fluturon në dy vite 23 milionë euro me avion-taksi. Tani u rikthye prapë. Në udhëtimin e fundit avioni shkon në 300 mijë euro. Parlamenti bllokohet në hetimin e tij. Ne deklarojmë këtu se nuk do të pranojmë që këtu dikush të qëndrojë mbi Kushtetutën. Nuk vjen se mali i fakteve dhe dokumenteve e gropos atë. Sepse ai vetë është kreu i sistemit korruptiv dhe aferat e tij nuk lejohet të hetohen. Ku është djegësi i Tiranës, 130 milionë euro? Ku është impianti i përpunimit të ujërave të zeza? Ku janë qindra miliona euro të shpenzuara në rrugë. Projektin 100 fshatra e sollët këtu ta përfundonit për tri vite dhe e shtytë prapë për disa vite të tjera. Pse nuk vjen? Nuk vjen sepse nxin në Shqipëri dhe Europë me mbrojtjen e vjedhjeve që ka bërë. Nuk vjen se i bëri vendit një shërbim të tmerrshëm. Në 15 projekte vetëm 1 realizohet. Është i vetmi kryeministër hajdut që banon në saraje me 9 mijë metra katrorë park. Më i madh se pallati presidencial”, tha Berisha. /CNA





Lajmet e fundit nga