web counter
LEXO PA REKLAMA!

SHKARKO APP

App Store
Google Play

Raporti i IBAR/ Berisha: U votua pas amendimeve serioze, shkak qëndrimet e qeverisë

21 Maj 2026, 20:47, Politikë CNA

Raporti i IBAR/ Berisha: U votua pas amendimeve serioze, shkak qëndrimet e

Kryetari i PD-së, Sali Berisha u shpreh sot në aktivitetin e organizuar nga LDGSH, se raporti i IBAR u votua, por vetëm pasi ju bënë disa ndryshime.

Berisha tha se amendimet e IBAR u amendua pas qëndrimit të qeverisë ndaj hetimeve, ndaj drejtësisë, ndaj luftës kundër korrupsionit.

Sipas tij ka pasur reflektime të mëdha të problemeve për t’u adresuar, ndërsa shtoi se shpreson që BE ta mbajë fokusin te rajoni i Ballkanit Perëndimor.

“Edhe një herë do të doja t'ju falënderoja shumë dhe t'ju siguroja se kjo konferencë është me rëndësi të madhe për ne dhe kemi mbështetje të madhe. Çfarëdo vështirësish të përballemi, ne qëndrojmë thellësisht të bindur që të punojmë fort për integrimin, procesin e integrimit evropian. Pavarësisht faktit se qeveria përpiqet ta mbajë atë pothuajse si proces të ndarë, jo vetëm për opozitën, por gjithashtu për publikun dhe shoqërinë civile. Ne qëndruam fort ndaj këtij zotërimi të këtij procesi dhe njëfarë përparimi është bërë.

Disa gjëra u arritën në këtë drejtim, por përsëri ne këmbëngulëm. IBAR u votua sot për Shqipërinë, por siç e keni dëgjuar ju, u amendua. U amendua në mënyrë serioze pas qëndrimit të qeverisë ndaj hetimeve, ndaj drejtësisë, ndaj luftës kundër korrupsionit. Pra, ka pasur reflektime të mëdha të problemeve për t'u adresuar. Shpresoj që Bashkimi Evropian do ta mbajë fokusin te rajoni ynë. Rajoni ynë është i rëndësishëm.

Jo sepse siç thonë, ballkanasit prodhojnë më shumë histori sesa mund të konsumojnë, kështu që mendoj se mënyra më e mirë për ta bërë atë të prodhojë pak më pak histori dhe më shumë të ardhme, është integrimi evropian. Ndaj mendoj se pavarësisht problemeve që kanë vendet tona, nuk ka rrugë më të mirë për t'i zgjidhur problemet e rajonit. Një rajon shumë i rëndësishëm, me potenciale të jashtëzakonshme”, tha Berisha. /CNA





Lajmet e fundit nga