E fundit!

22:14 Politikë

“Të kufizohet pushteti absolut i Ramës”/ Ish-ministri jep idenë: Jo më shumicë e cilësuar, 10-12 deputetë t’i dalin kundër

Ish-ministri Arben Malaj tha sot se kufizimi i pushtetit a...

Kalon raporti i IBAR/ Rama “thumbon” opozitën: Donin ta shkarravisnin Shqipërinë në sytë e të huajve, por humbën

22 Maj 2026, 08:15, Politikë CNA

Kryeministri Edi Rama ka reaguar mëngjesin e sotëm pasi Grupi i Punës në Këshillin e Bashkimit Europian kaloi raportin e IBAR-it për Shqipërinë.

Përmes një postimi në rrjetet sociale, Rama shprehet se kjo është një ditë krenarie për vendin në rrugën e një misioni historik.

Kreu i qeverisë gjeti rastin për të ndarë edhe një mesazh drejtuar opozitës, që, sipas tij, u lëshua nëpër Europë me thasë balte e llumi, për ta shkarravitur Shqipërinë në sytë e të huajve, por doli përsëri e humbur.

“Thanë negociatat u bllokuan. Thanë Shqipëria u ndëshkua. Thanë Europa u zgjua dhe narkoregjimi u zbulua.

U lëshuan rrugëve me molotovë, për ta djegur Shqipërinë në sytë e të huajve. U lëshuan nëpër Europë me thasë balte e llumi, për ta zhgarravitur Shqipërinë në sytë e të huajve. U gënjyen si gjithnjë nga mendja e tyre dhe gënjyen edhe ata gjithnjë e më të paktë, që shkojnë me atë mendje.

Humbën përsëri. Dhe Shqipëria përsëri fitoi.

Më 26 maj në Bruksel, Konferenca Ndërqeveritare Shqipëri - BE vulos me sukses fazën hyrëse dhe çel fazën përmbyllëse të negociatave të anëtarësimit. Sepse ndryshe nga si e përflasin ditë e natë ata që gjithnjë humbasin në fund, Shqipëria Europiane që po ndërtojmë është një histori suksesi, e cila shkruhet me vizion, punë e përkushtim, hap pas hapi, e në fund gjithnjë fiton.

Kjo është një tjetër ditë krenarie për Shqipërinë, për skuadrën tonë të madhe, për të gjitha repartet e saj në çdo pjesë të fushës së përgjegjësive publike, për shumicën parlamentare, për qeverinë, për institucionet e pavarura, e sigurisht për ata që i përfaqësojnë ato në tryezën e negociatave për Shqipërinë 2030 në BE.

Urime të gjithëve e mbi të gjitha faleminderit çdo shqiptari e shqiptareje, që na beson e na mbështet në rrugën e këtij misioni historik. Forca Shqipëria”,-shkruan Rama./CNA