web counter
LEXO PA REKLAMA!

SHKARKO APP

App Store
Google Play

E fundit!

x

Takimi i Rrjeteve ENIC-NARIC në Tiranë/ Manastirliu: Zgjerojmë bashkëpunimin për ndërkombëtarizimin e arsimit të lartë

26 Maj 2025, 13:40, Politikë CNA

Takimi i Rrjeteve ENIC-NARIC në Tiranë/ Manastirliu: Zgjerojmë

Ministrja e Arsimit dhe Sportit, Ogerta Manastirliu, mori pjesë në ceremoninë e hapjes së Takimit të 32-të Vjetor të Rrjeteve ENIC-NARIC, që po zhvillohet në Tiranë, me pjesëmarrës nga e gjithë Europa. ENIC-NARIC është rrjeti zyrtar europian për njohjen e diplomave dhe kualifikimeve të marra jashtë vendit.

Gjatë fjalës së saj, ministrja Manastirliu theksoi angazhimin e Qeverisë Shqiptare për reformimin e arsimit të lartë dhe rritjen e ndërlidhjes me sistemet arsimore europiane:

“Ne po zbatojmë një reformë gjithëpërfshirëse, e cila përfshin profilizimin e institucioneve të arsimit të lartë, bazuar në prioritetet kombëtare dhe rajonale, si dhe në ndërkombëtarizimin e tyre. Në IAL-të tona numërohen mbi 40 programe të përbashkëta me institucione të njohura ndërkombëtare nga Italia, Franca, Greqia, Polonia, Turqia, që e pasurojnë më tej ofertën akademike në Shqipëri jo vetëm për të rinjtë shqiptarë, por edhe ata të rajonit. Këto bashkëpunime e bëjnë diplomën shqiptare më të vlefshme në tregun europian të punës. Ministria e Arsimit dhe Sportit, në përputhje me prioritetet strategjike të qeverisë shqiptare, e konsideron arsimin si një shtyllë themelore për zhvillimin e vendit dhe integrimin europian, ndaj dhe ofron angazhimin maksimal për forcimin e urave të bashkëpunimit me partnerët dhe rrjetet e duhura, siç është ENIC-NARIC”,-tha ministrja e Arsimit dhe Sportit, Ogerta Manastirliu.

Takimi treditor i rrjetit ENIC-NARIC po zhvillohet në ambientet e Universitetit të Arteve dhe Universitetit Politeknik të Tiranës dhe mbledh së bashku përfaqësues të lartë të institucioneve arsimore dhe njohjes së kualifikimeve nga vendet anëtare të Këshillit të Europës dhe Bashkimit Europian. Shqipëria mikpret për herë të parë këtë ngjarje të rëndësishme ndërkombëtare në fushën e arsimit të lartë.

ENIC-NARIC përfshin dy rrjete të ndërthurura: ENIC (European Network of Information Centres), i krijuar nga Këshilli i Europës dhe UNESCO dhe NARIC (National Academic Recognition Information Centres), i krijuar nga Komisioni Europian. Çdo shtet ka një qendër kombëtare që ofron informacion zyrtar për njohjen akademike. Rrjeti përfshin 55 shtete anëtare, përfshirë të gjitha vendet e BE-së, EHEA, SHBA, Kanada, Turqi, Izrael dhe disa vende të Azisë Qendrore./CNA





Lajmet e fundit nga