web counter
LEXO PA REKLAMA!

SHKARKO APP

App Store
Google Play

E fundit!

x

Fushata e 11 majit/ I votuar nga '5D' e bashkisë - Fatmir Xhafaj: Kishte goditje nën brez

26 Maj 2025, 12:35, Politikë CNA

Fushata e 11 majit/ I votuar nga '5D' e bashkisë - Fatmir Xhafaj:

Deputeti i Partisë Socialiste që doli sërish nga lista e hapur e Rilindjes, Fatmir Xhafaj, përmes një interviste ekskluzive për mediat ka bërë një analizë postzgjedhore mbi modelin dhe sfidat e garës në këto zgjedhje.

Ai nuk ka ngurruar të theksojë goditjet nën brez që i erdhën nga kampi i tij. I njohur tashmë në publik si pjesë e grupit të Erion Veliajt në PS, por edhe jashtë saj, Xhafaj ishte i frikësuar për mandatin pasi ai që vidhte vota për të ishte në burg, e nisi fushatën duke u kujtuar socialistëve reformën në drejtësi. Duke u munduar të krijojë përshtypjen se ka marre njëfarë distance prej Veliajt.

Xhafaj i cili u detyrua nga Rama që të linte postin e ministrit të Brendshëm për shkak të lidhjeve të tij familjare me trafikun e drogës (si nuk gjen një socialist që nuk ka lidhje o me një trafikant të madh droge, o me një bandë kriminale) nuk e ka shprehur hapur asnjëherë pakënaqësinë e tij publike.

Por në intervistën e tij për mediat përmend qartë goditjet nën brez çka lë të kuptohet se iniciator i këtyre goditjeve ishte ai që e largoi nga ministër. Ai e kupton mirë se Rama nuk i del haptas kundër pasi i duhen votat që Xhafaj, ose tutori i tij që është në burg i kanë në Tiranë por edhe me gjerë, ndoshta në degët e PS nëpër rrethe. Plus që i vetmi që ka mbetur nga “Xhaketat e vjetra” të PS që tashmë është pushtuar nga rilindja e bandave, është Xhafaj. Dhe nëse e përmendim këtu edhe Braçen që vazhdon të shtojë gjatësinë e viteve në rilindje edhe pse është i shkurtër në shumëçka.

Gjatë kësaj rruge, a kishte pengesa të ngritura ndaj jush…?

Po, gjatë kësaj rruge nuk kanë munguar pengesat, ishte një garë e vështirë, shumë konkurruese, me sfida të shumta dhe siç ju thashë më lart, në disa aspekte jo dhe shumë e barabartë. Pabarazi që në nisje të garës....

....Vetëm 12% e votave të marra janë nga njësia 10, kurse të tjerat nga i gjithë qarku. Gjithçka, votë pas vote, me komunikime e takime të shumta me zgjedhësit dhe me një ekip vullnetarësh elektoralë në të gjithë qarkun, që funksionoi në përditshmëri e plot përkushtim, e të cilëve ju jam shumë mirënjohës.
Nga ana tjetër, nuk mund ta mohoj që në rastin tim ka qenë një proces edhe me sulme të ulëta nën brez. Që në nisje të tij, disa individë u përdorën të lëshonin në ndonjë media disa shpifje e trillime të ulëta ndaj meje për të ndikuar në opinionin publik, me një qëllim të vetëm, se si të isha humbës në këtë garë. Po siç ka ndodhur edhe më parë, ne ia dolëm me sukses edhe kësaj here duke fituar mbi ta dhe mbi të gjitha pengesat e ngritura. Kjo, falë votave të vërteta dhe të sinqerta, votë e kërkuar me përunjësi dhe respekt, votë e dhënë me zemër nga plotë 13.673 zgjedhës.

Kështu deklaron Xhafaj. Ndërkohë që goditjet nën brez ai i ka për të vetët. Sepse nëse opozita e ka sulmuar nuk do të kishte ndonjë kuptim që ai ta quante goditje nën brez. Opozita atë punë ka, të sulmojë kundërshtarin.

Ndërkohë që pyetjes se, “kush është i interesuar brenda familjes suaj politike që ju të mbeteshit jashtë Parlamentit të ardhshëm”, Xhafaj i përgjigjet duke “shtrënguar dhëmbët” se nuk besoj se ka pasur brenda forcës sime politike individë që janë investuar drejtpërdrejtë në këtë gjë, në sulmet mediatike ndaj meje.

Drejtpërdrejtë jo por indirektë edhe mundet, lë të kuptohet ish-hetuesi i diktaturës që vijon të jetë në Kuvendin e Shqipërisë herë i votuar nga PS e herë nga grupet e strukturuara kriminale e tashmë se fundi nga banda "5D" e bashkisë së Tiranës menaxhuar nga Veliaj. Pasi Xhafaj i ka mbetur si e vetmja shpresë që ta mbrojë në qelitë ku e ka sistemuar Rama./ Syri.net





Lajmet e fundit nga