E fundit!

09:53 Aktualitet

Denoncimi: Qytetarët në radhë në Poliklinikën e Lushnjes

Deputeti i PD-së Saimir Korreshi ka denoncuar një tjetër p...

Denoncimi i PD-së/ Vangjeli: 11 milionë euro për një farsë, kontrata me DHL-në u shkel, KQZ përgjegjëse

24 Maj 2025, 11:41, Politikë CNA

Denoncimi i PD-së/ Vangjeli: 11 milionë euro për një

PD, përmes zëdhënëses për Antikorrupsionin, Genta Vangjeli, ka bërë një tjetër denoncim.

Në një deklaratë për mediat, Vangjeli u shpreh se janë shpenzuar 11 milionë euro për një farsë, duke iu referuar kontratës së KQZ-së me DHL-në.

Vangjeli bën me dije se kjo kontratë është shkelur dhe nënkontraktorët kanë operuar në kundërshtim me ligjin.

Sipas saj, përgjegjës për dështimin e procesit të votimit nga jashtë është KQZ dhe kryekomisioneri Ilirjan Celibashi.

Deklarata e plotë e Genta Vangjelit.

Në datën 7 prill 2025, APP ka publikuar në buletinin e saj nr.16, të dhënat lidhur me procedurën e prokurimit me negocim pa shpallje zhvilluar nga Komisioni Qendror i Zgjedhjeve me objekt: "Shërbimi postar për zgjedhësit nga jashtë vendit" me vlerë 11 milionë euro me TVSH, të cilat shkojnë për DHL International Albania.

Ndalemi te kushtet e kontratës të paracaktuara nga KQZ.

Qartësisht KQZ vetë ka deklaruar se DHL International Albania nuk do të lejohet të nënkontraktojë subjekte të tjera dhe as subjekte mbështetëse në zbatimin e kësaj kontrate.

Tani shkojmë te postimet e Talulant Ballës, por jo vetëm në rrjetin e tij FB dt. 2 maj 2025 ku shkruhet:

NESËR ZYRAT E DHL, SPEEDEX dhe COURIER JANË TË HAPURA NË TË GJITHË GREQINË

Në Greqi shumica e pikave të shërbimit të DHL-së dhe nënkontraktorët do të jenë të hapura.

Zarfi mund të dorëzohet në një pikë shërbimi të DHL, Courier Center ose Speedex ose mund të organizoni marrjen nga banesa.

Sa i përket kompanisë ACS, kjo kompani pranon vetëm dërgesa për disa zona të largëta.

Lutemi dorëzoni zarfin tuaj sa më parë në DHL, Speedex ose Courier Center që vota të mbërrijë në kohë në Shqipëri.

Pra përveç DHL, Taulant Balla njofton emrat e 3 nënkontraktorëve Speedex, Courier Center dhe kompania ACS Courier.

Të dhënat zyrtare sipas dokumenteve të prokurimit dhe vetë kontratës së nënshkruar ndërmjet palëve njoftojnë dhe lejojnë vetëm DHL-në si zbatues të saj.

Taulant Balla, Partia Socialiste dega Greqi, eksponentë e deputetë të PS-së, madje vetë Ambasada e RSH në Greqi, nga i dinin këto të dhëna për nënkontraktorët dhe detaje të tjerë organizimi e kontaktet e tyre?

Për PS-në jemi të qartë, por vetë Komisioni Qendror i Zgjedhjeve, ka shkelur:

1. Kodin Zgjedhor neni 25/1:

KQZ nuk mund t’ia besonte shërbimin asnjë operatori lokal dhe ky detyrim ligjor nuk është një zgjedhje alternative.

2.Në përputhje dhe në zbatim me Kodin Zgjedhor, vendimin e komisionit rregullator nr.13 datë 12.11.2024 për miratimin e rregullave për procedurën e votimit nga jashtë vendit, në seksionin “Dërgimi i dokumentacionit zgjedhor te zgjedhësi”, përcakton qartë se:

2.1.Dokumentacioni zgjedhor i dërgohet zgjedhësit nga jashtë në mënyrë individuale.

2.2 Dokumentacioni i dërgohet në adresën e deklaruar në PER nga vetë zgjedhësi.

2.3. Dërgimi i dokumentacionit zgjedhor bëhet nëpërmjet një shërbimi postar ekspres që mundëson gjurmimin e dërgesës.

Në këto kushte, z. Ilirjan Celibashi, si Komisioner Shtetëror i Zgjedhjeve dhe drejtues ekzekutiv i këtij institucioni, kishte detyrimin të sigurohej që:

Kontrata e lidhur me operatorin e përzgjedhur (në këtë rast DHL) të ishte në përputhje të plotë me kriteret e sipërcituara ligjore dhe nënligjore;

•Të merrte masa imediate në momentin që lajmi se DHL po operonte me nënkontraktorë;

të monitoronte zbatimin e këtyre detyrimeve ligjore dhe detyrimeve kontraktuale në çdo moment;

të garantonte shpërndarjen individuale dhe të gjurmueshme të dokumentacionit tek çdo votues i regjistruar në Diasporë.

• Nisur nga infomacionet e marra nga votuesit në diasporë DHL nuk është siguruar për identitetin e marrësit me dokument identifikimi, por është mjaftuar me paraqitjen tek dera të një personi dhe ka lënë zarfet pa i kërkuar mjet identifikimi.

•Mënyra e zbatimit të kontratës nga DHL për të cilën z.Celibashi foli në konferencën për mediat dt. 22 maj, jo tani, por duhet të ishte monitoruar e ndjekur që në lidhjen e kontratës sipas planit të hartuar nga KQZ në zbatim të nenit 107 të VKM nr.285/2021.

4. Përveç dështimit të procesit që solli si pasojë këtë farsë elektorale KQZ është përgjegjëse për shkeljen e LPP neni 122/1, VKM nr.285/2021 për miratimin e rregullave të prokurimit publik neni 73/1, neni 89 pika 2 dhe 4, neni 107, dhe shkeljen e vetë kontratës nr.1358/20 datë 4 prill 2025 të lidhur ndërmjet AK KQZ dhe Kontraktorit DHL International Albania sh.p.k. zbatimi i të cilës u kushton shqiptarëve 11 milionë euro me TVSH, por që dështoi me sukses.

Prandaj PD do të ndjekë të gjitha procedurat ligjore lidhur me dëmin financiar dhe elektoral që erdhi si pasojë./ CNA