web counter
LEXO PA REKLAMA!

SHKARKO APP

App Store
Google Play

E fundit!

x

Kërkoi pamjet filmike të numërimit nga KQZ/ Kalaja: Do t’i shkoj çështjes deri në fund

23 Maj 2025, 22:07, Politikë CNA

Kërkoi pamjet filmike të numërimit nga KQZ/ Kalaja: Do t’i

Kandidati i PD në listën e hapur për qarkun e Durrësit, Aulon Kalaja tha sot se do t’i shkojë deri në fund betejës së tij për votat nga zgjedhjet parlamentare të 11 majit. I ftuar në një studio televizive, Kalaja deklaroi se ka kërkuar në KQZ pamjet filmike të votimit edhe për subjektet politike dhe për kandidatët, pasi dëshiron ta shohë të gjithë procesin e numërimit.

Kalaja u shpreh se nuk e paragjykon procesin, por do të vijojë betejën e tij ndaj çështjes së numërimit.

Kalaja kërkoi që Prokuroria të kryejë të gjitha hetimet.  

“Jam i pari që kam depozituar 2 kërkesa në KQZ, pamjet filmike dhe rinumërim të kutive, fillimisht në Krujë dhe Durrës. Kam bërë dhe një seancë në KAS. Unë kam ndenjur 9 ditë duke parë nga afër numërimin deri dhe votën e Diasporës. Kam parë numërues duke fjetur në shkallë. Kam kërkuar në KQZ, që të shoh pamjet filmike dhe për subjektet dhe për kandidatët. KQZ po mi vë në dispozicion, po kopjohen pamjet. Kam 9 dite që ja kam bërë me dije KQZ, por marr vesh që nesër do të dalë përmbledhja e rezultateve të Durrësit na kanë lënë 72 orë për të parë pamjet. Unë i kam time-codet ku janë parregullsitë. Kam bërë një seancë në KAS ku e ka rrëzuar kërkesnë time fillimisht, ku sipas kodit elektoral, e nxjerr rezultatin fillimisht KQZ më pas ne ankimojmë dhe nuk legjitimohemi. Duhet vula e PD që të lejohet rinumërimi. Unë po mbledh prova, nesër përfundon procesi i regjistrimit të pamjeve filmike, më pas hap pas hapi për rinumërim. Do ta çoj deri në fund, s’dua ta paragjykoj procesin por dua të shkoj deri në fund. Kam harxhuar 6 milionë lekë të vjetra, nuk i jap as makinës. Kam vetëm një telefon, nuk kam shtruar iftare apo gjëra të tilla. Nuk kam paguar për të dalë në tv për fushatë. Unë misionin tim do ta çoj deri në fund, jam për transparencë, i shkoj deri në fund kësaj beteje. Prokuroria duhet të hetojë dhe t’i shkojë deri në fund”,-tha Kalaja./CNA





Lajmet e fundit nga