web counter
LEXO PA REKLAMA!

SHKARKO APP

App Store
Google Play

Çelja zyrtare e Grup-Kapitullit 3/ Rama: Mbeten vetëm 11 kapituj të tjerë

22 Maj 2025, 20:26, Politikë CNA

Çelja zyrtare e Grup-Kapitullit 3/ Rama: Mbeten vetëm 11 kapituj

Pasditen e sotme u zhvillua në Bruksel, Konferenca e 5-të Ndërqeveritare mes Shqipërisë dhe BE-së, e cila miratoi hapjen e negociatave të anëtarësimit me Shqipërinë mbi 8 kapituj të përfshirë në Grupimin e 3-të: “Konkurrueshmëria dhe Rritja Gjithëpërfshirëse”.

Në lidhje me konferencën, një reagim ka ardhur dhe nga kryeministri Edi Rama.

Me anë të një statusi në rrjetet sociale, Rama shkruan se deri tani janë hapur negociatat për 24 kapituj dhe mbetën për t’u hapur 11 të tjerë.

“RRUGA DREJT SHQIPËRISË2030 VAZHDON PA NDALIM ????????????????

Këshilli i BE miratoi çeljen e negociatave për 8 kapituj të rinj nga Grupi 3:

Konkurrueshmëria dhe Rritja Gjithëpërfshirëse, që përfshin arsimin, digjitalizimin, punësimin, politikën ekonomike, tatimet dhe inovacionin.

Deri tani janë hapur negociatat për 24 kapituj në vetëm 8 muaj dhe mbeten vetëm 11 të tjerë për t’u hapur – një ritëm tejet i lartë që tregon përparimin e Shqipërisë dhe mbështetjen e BE-së për të arritur objektivin e përbashkët të mbylljes së negociatave më 2027”, shkruan Rama./ CNA





Lajmet e fundit nga