web counter
LEXO PA REKLAMA!

SHKARKO APP

App Store
Google Play

Kandidati i PD-së në Elbasan: Krimi elektoral kishte lekë, euro, paund, karta dhe dokumente

22 Maj 2025, 13:28, Politikë CNA

Kandidati i PD-së në Elbasan: Krimi elektoral kishte lekë, euro,

Kandidati i PD-së për Qarkun e Elbasanit në zgjedhjet e 11 majit, Blendi Himçi, tha sot se krimi elektoral i kryer në këtë qark pëmbante lekë, euro, karta identiteti, patenta dhe dokumente.

Në një konferencë me kreun e Partisë Demokratike, Sali Berisha, ku denoncuan rastin e asaj që konsideruan si farsë elektorale më 11 maj, Himçi deklaroi se materialet janë konstatuar edhe nga forcat policore, por nuk mund të ndalet në detaje pasi përbëjnë sekret hetimor.

Himçi u shpreh se për këtë rast kanë vënë në dijeni menjëherë Policinë e Shtetit dhe drejtuesin e Prokurorisë Elbasan.

“Faktikisht, kemi thërritur Policinë e Shtetit, drejtuesin e Prokurorisë së Elbasanit, në lidhje me rastin në fjalë dhe ka qenë e pranishme policia, e cila ka vepruar konform rregullave dhe kanë konstatuar siç e shikoni edhe lekë të gjetura në banak, të cilit ishin lekë, euro dhe paund. Po ta shikoni janë pjesë e krimit elektoral, sepse nuk ka kuptim që të qëndrojnë euro, paund dhe lekë në të njëjtën kohë në barin e një lokali. Këto janë ditën e sotme të konstatuara nga policia. Aty ka karta identiteti, patenta dhe dy dokumente të cilat nuk mund të sqaroj më konkretisht se janë pjesë e sekretit hetimor. Në pritshmëritë e personit për të provuar firmosjen, për të mësuar se si votohet, por nuk deklaron nëse janë fletë votimi të vlefshme, të printuara apo false. Nuk jep sqarim”,-tha Himçi./CNA





Lajmet e fundit nga