web counter
LEXO PA REKLAMA!

SHKARKO APP

App Store
Google Play

E fundit!

x

Gara e 11 majit për Tiranën/ Shehi: I zhgënjyer nga rezultati i zgjedhjeve, nuk më respektuan

21 Maj 2025, 16:17, Politikë CNA

Gara e 11 majit për Tiranën/ Shehi: I zhgënjyer nga rezultati i

Dashamir Shehi deklaroi sot se nuk e konsideron partinë e tij dhe koalicionin me të cilin garoi në zgjedhje si humbës të madh pas shpalljes së rezultateve, pasi sipas tij ky emër nuk u takon partivë të vogla. I ftuar në një studio televizive, Shehi u shpreh se ndihet i zhgënjyer nga rezultati i tij në zgjedhjet e 11 majit.

Shehi shpjegoi më gjerësisht edhe arsyet që e shtynë të jepte dorëheqjen si kryetar i koalicionit “Djathtas për zhvillim”.

“Dhashë dorëheqjen sepse humbëm. Dikush duhet të mbajë përgjegjësi. U munduam këto dy vite, u munduam të negociojmë me partitë e vogla apo të reja dhe nuk ia arritëm. Është dështimi im sepse e mora përsipër këtë punë dhe nuk i bashkova dot. Atyre që çanë rrethimin, i uroj punë të mbarë. Ky rezultat ka brenda edhe tharmin e një trishtimi opozitar, që harxhoi 4 vite për të zgjidhur hallin e 2-3 familjeve. Humbësit e mëdhenj, se ne jemi të vegjëlit, janë ata të grupit të PD-së. Sali Berisha për vete ka dalë i fituar, ndoshta është fitorja më e madhe e tij politike. Sot ka 50 deputetë dhe është i lumtur. Edi Rama në pushtet, Berisha kontrollon opozitën. PD është përfituese e këtij sistemi, pasi i ka marrë disa deputetë qyl. Edhe brenda PD-së, ata që kanë fituar nga lista e hapur nuk janë profesorë. Unë kam marrë përgjegjësitë e mia personale. Personalisht ndihem i zhgënjyer nga qyteti im, sepse mendoja se do të kishin pak më shumë respekt për mua. Si duket, nuk është më koha për ne. Lojtarët e rinj janë të gjithë milionerë, por mendova se do kishte mbetur pak moral. Ky brez i ri politik që po vjen ka shumë gjëra të mira, është më i zoti në komunikim, por ne i kemi dhënë më shumë rëndësi substancës sesa formës”,- tha Shehi./CNA

 

 

 





Lajmet e fundit nga