web counter
LEXO PA REKLAMA!

SHKARKO APP

App Store
Google Play

E fundit!

x

Vota nga diaspora/ Celibashi ndan të dhënat: U votua nga 85 shtete nga çdo kontinent

22 Maj 2025, 13:03, Politikë CNA

Vota nga diaspora/ Celibashi ndan të dhënat: U votua nga 85 shtete nga

Komisioneri Shtetëror i Zgjedhjeve, Ilirjan Celibashi, ndau këtë të enjte disa prej të dhënave përmbledhëse nga i gjithë procesi i votimit nga diaspora, të shtetasve shqiptarë që votuan për herë të parë në zgjedhjet parlamentare të 11 majit. Celibashi theksoi se në këtë proces morën pjesë në votime shtetas shqiptarë nga 85 shtete të botës.

Celibashi u shpreh se në tërësi, puna ishte voluminoze dhe nën presion, por u krye pa asnjë pengesë artificiale.

“Votuan shqiptarë nga 85 shtete të botës nga çdo kontinent. Procesi përfundoi në datën 17 prill. Dërgesat e para u bënë rreth datës 12 dhe dërgesat e para i korrespondojnë numrit të zgjedhësve. 29 prilli ishte dita me numrin më të madh të zgjedhësve që dërguan fletët. Kishte edhe votues me gabime absolute në adresat e tyre, rreth 10156 votues. 92% e shtetasve të regjistruar nga diaspora e kanë marrë dokumentacionin nga KQZ. 202309 shtetas e kanë kthyer mbrapsht fletëvotimin. 82.2% e këtyre zgjedhësve kanë marrë pjesë në votim. 97% është bashkë me ata që e kanë marrrë. 15215 zarfe janë kthyer nga DHL, nga 18388 në total. Sa i përket numërimit, ky proces, siç e keni konstatuar, zgjati 8 ditë. I gjithë procesi u administrua sipas rregullsisë së dokumentacionit të ndarë në dy grupe. Janë 202187 zarfe të DHL-së të vlerësuar nga komisioni për votat nga jashtë. 42 persona janë staf i përkohshëm i KQZ-së i përgatitur për të gjithë procesin e votimit. U angazhuan edhe 54 persona nga stafi i KQZ-së. Stafi punoi me 3 turne. Vlerësimi i numërimit angazhoi 200 persona. Në total janë 680 punonjës personel për votimin nga jashtë. Dua të falënderoj publikisht anëtarët e administrimit të votave nga jashtë dhe pa asnjë hipokrizi në mirësjellje, por falënderimi më i madh shkon për ta. Puna ishte voluminoze dhe nën presion të madh. Puna u krye pa asnjë pengesë artificiale”,-tha Celibashi./CNA





Lajmet e fundit nga