web counter
LEXO PA REKLAMA!

SHKARKO APP

App Store
Google Play

E fundit!

x

Celibashi i përgjigjet “flakë për flakë”/ PD: Keni qenë aty, nuk ka vota të trafikuara

22 Maj 2025, 14:21, Politikë CNA

Celibashi i përgjigjet “flakë për flakë”/ PD:

Kreu i KQZ-së, Ilirjan Celibashi, u është përgjigjur "flakë për flakë" akuzave të PD-së se votat janë manipuluar.

Celibashi ka deklaruar se procesi është monituar 24/7 dhe nuk ka pasur fletë të shtuara dhe as vota të trafikuara siç pretendon opozita.

"Është me rëndësi ta theksoj, të gjitha partitë politike e dinë këtë, që procesi i përgatitjes së dokumentacionit zgjedhor në Parkun Olimpik, dorëzimi i dokumentacionit tek operatori i shërbimit postar, është një proces që garanton 100% integritetin e procesit të votimit nga jashtë.

Kjo vlen edhe për rastin e kthimit të dokumentacionit zgjedhor nga DHL te KQZ. Gjithë ky segment është zhvilluar nën mbikëqyrjen e përfaqësuesve të partive politike, të organizatave të shoqërisë civile. Ka qenë 24/7 i monitoruar nga kamerat.

Çdo gjë ka shkuar siç duhet të shkonte, nuk ka fletë votimi të shtuara, as vota të trafikuara. Ngelet të vlerësojmë pretendimet që lidhen me sa është respektuar integriteti i votës së shqiptarëve në procesin e marrjes së fletëve të votimit dhe të kthimit të tyre nëpërmjet shërbimit postar", tha Celibashi./ CNA





Lajmet e fundit nga