web counter
LEXO PA REKLAMA!

SHKARKO APP

App Store
Google Play

“PD kishte përballë një regjim”/ Zhulali: Zgjedhësve më 11 maj u është bërë presion

22 Maj 2025, 17:40, Politikë CNA

“PD kishte përballë një regjim”/ Zhulali:

Kandidatja e PD-së për Tiranën, Ilda Zhulali ndau sot komentet e saj lidhur me situatën paszgjedhore. E ftuar në një studio televizive, Zhulali u shpreh se PD kishte përballë në garë një regjim.

Zhulali tha se zgjedhjet parlamentare të 11 majit ishin një farsë dhe se votuesve u është bërë presion.

Sipas Zhulalit, Shqipëria është autokraci elektorale dhe PD i ka qëndruar një shteti represiv.

“PD hyri në zgjedhje me një ekip shumë të mirë, me program fantastik, por ne kishim përballë një regjim, që tjetërson vullnetin e qytetarëve. Nuk e kisha parashikuar që forca shtypëse e Ramës të arrijë deri në këtë pikë. Bandat në qendrat e votimit iu bënë presion zgjedhësve. Qytetarëve iu janë marrë kartat e ID, kemi parë sot një rast të një “treni bullgar”. Vota tjetërsohet dhe Shqipëria ka treguar se është autokraci elektorale. Zgjedhjet janë farsë dhe nuk është se kanë rëndësi më. Po shkojmë drejt një diktature, të një kaste politike në bashkëpunim me krimin e organizuar. PD i ka qëndruar një shteti represiv, por opozita nuk mund të kthehet në polici, as në Prokurori e as në gjykatë. Sot përpara nuk kemi një parti-shtet, por kemi parti-shtet, në bashkëpunim me mafien, këtu mafia ka shtetin e vet, mafia ka institucionet e veta dhe kjo fuqi e krimit zbret në gjitha familjet shqiptare”,-tha Zhulali./CNA





Lajmet e fundit nga