Skandali i Tërmet Peçit/ Gazetari zbardh të vërtetën

25 Maj 2025, 15:34, Politikë CNA

Gazetari Telnis Skuqi sqaruar të vërtetën e ngjarrjes të raportuar në media si skandal që lidhej me ish-kryebashkiakun dhe tashmë deputetin e PS në qarkun Gjirokastër Tërmet Peçi. Përmes një postimi në rrjetet sociale, Skuqi ka theksuar se është abuzuar me një të ashturuajtur skandal seksual që sipas gazetarin nuk ishte gjë tjetër një skenar i ngrirut për të goditur Peçin i cili garonte ne listë të hapur dhe më pas votat tëshkonin tek një tjetër kandidate.

Skuqi shprehet se një punonjëse e Bashkisë Këlcyrë, Elda Xhakollari i dorëzonte me vetëdije stafit socialist të dhëna sensitive të qytetarëve të transferuara në USB dhe nuk ka pasur asnjë skandal seksual por ka qenë një intrigë e pastër politike. Ai thekson se zyrtarja e bashkisë përgjohej nga bashkëshorti i cili ndiqte lëvizjet e saj me një pajisje GPS.

Sipas gazetarit, ngjarja që u shit si skandal seksual është një rast i pastër manipulimi.

“U ndodha rastësisht në një situatë ku një punonjëse e Bashkisë Këlcyrë, Elda Xhakollari, e cila në deklaratën e saj ka pranuar që ishte në rrugë për një takim pune, dorëzonte me vetëdije stafit të një kandidati të Partisë Socialiste (pa dijeninë e tij) të dhëna sensitive të qytetarëve të transferuara në USB, pra të dhëna që nuk duhej kurrë të dilnin jashtë institucionit të pushtetit vendor.

Prej javësh kjo ngjarje është deformuar qëllimisht, duke u shitur si një skandal imoraliteti, ndërkohë që e vërteta është shumë më tronditëse: abuzim me të dhënat personale të qytetarëve.

Fatkeqësisht për zonjën në fjalë, bashkëshorti i saj e ndiqte në mënyrë të paligjshme me një pajisje GPS dhe regjistronte çdo lëvizje të saj.

Dhe këtu fillon manipulimi.

Një përfaqësuese politike brenda Partisë Socialiste, me interesa personale të qarta, përdori këtë ngjarje si armë për të rrëzuar kandidatin e partisë së saj, jo për shkak të shqetësimit moral, por për të hapur rrugë mikeshës së saj që priste në heshtje për të marrë mandatin e tij.

Një tentativë klasike për të “vrarë dy zogj me një gur”: të fshihet skandali i dorëzimit të paligjshëm të të dhënave dhe të rrëzohet kandidati ekzistues.

Unë nuk mbaj anë politike në këtë rast, por nuk mund të hesht kur e vërteta shtrembërohet dhe përdoret për të mbuluar një veprim të rëndë, me pasoja ligjore për punonjësen e bashkisë”,-shkruan Skuqi./CNA