web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e Berishës: Mediat e lidhura me krimin censuruan kërkesën e kryeprokurores së SHBA-së

24 Maj 2025, 13:03, Politikë CNA

Akuzat e Berishës: Mediat e lidhura me krimin censuruan kërkesën

Kreu i PD-së, Sali Berisha, denoncoi në një deklaratë për shtyp se mediat pranë qeverisë dhe krimit bëjnë gjithçka të dezinformojnë qytetarët shqiptarë, të mashtrojnë qytetarët shqiptarë, tu shesin farsën si proces të rregullt zgjedhor.

Lideri i opozitës theksoi se, mediat e lidhura me krimin po bëjnë gjithçka të censurojnë raportet e ndërkombëtarëve që denoncojnë pikë për pikë shkeljen e 16 traktateve, konventave dhe dokumenteve ndërkombëtare për zgjedhjet, të cilat mishërojnë parimet ndërkombëtare të zgjedhjeve.

Ai nënvizoi se mediat pranë krimit censuruan në mënyrë të paimagjinueshme kërkesën e Prokurores së Përgjithshme të SHBA-së për luftën kundër karteleve. E censuruan, nuk mund ta jepnin sepse janë të lidhura me kartelet nëpërmjet qeverisë ose direkt.

“Këtu zhvillohet një betejë mediatike e egër, midis megafonëve të qeverisë të lidhur me qeverinë dhe nëpërmjet qeverisë me krimin, të cilët bëjnë gjithçka të dezinformojnë qytetarët shqiptarë, të mashtrojnë qytetarët shqiptarë, tu shesin farsën si proces të rregullt zgjedhor.

Bëjnë gjithçka të censurojnë raportet e ndërkombëtarëve që denoncon pikë për pikë shkeljen e 16 traktateve, konventave dhe dokumenteve ndërkombëtare për zgjedhjet, të cilat mishërojnë parimet ndërkombëtare të zgjedhjeve.

Censuruan në mënyrë të paimagjinueshme kërkesën e Prokurores së Përgjithshme të SHBA-së për luftën kundër karteleve. E censuruan, nuk mund ta jepnin sepse janë të lidhura me kartelet nëpërmjet qeverisë ose direkt.

Lexoni ju artikullin e shkruajtur nga Fuga për Arkend Ballën se, sa njeri i mirë është ky, se si i bihet në qafë këtij të pafajshmi.

Pra, sigurisht që organet e administrimit të zgjedhjeve, janë organe të narkoshtetit, por ne po bëjnë punën tonë, po paraqesim para jush dhe shqiptarëve, fakte dhe të vërteta të pamohueshme, të pakundërshtueshme që dëshmojnë se, në Shqipëri kishte një farsë të shëmtuar elektorale.

Aspekti i karteleve është vetëm njëri dimension. Do të rikthehemi përsëri tek dimensionet e tjera. Është multidimensionale farsa dhe kësaj here është shpalosur me të gjithë shëmtinë e saj”, tha Berisha./ CNA





Lajmet e fundit nga