web counter
LEXO PA REKLAMA!

SHKARKO APP

App Store
Google Play

“PD do ankimojë rezultatet e 11 majit”/ Nuri: Vendimi për të gjitha qarqet e vendit

25 Maj 2025, 22:13, Politikë CNA

“PD do ankimojë rezultatet e 11 majit”/ Nuri: Vendimi për

Përfaqësuesi ligjor i PD-së, Franc Nuri deklaroi sot se Partia Demokratike do të ankimojë të gjitha rezultatet e dala nga zgjedhjet parlamentare të 11 majit. Në një dalje televizive, Nuri tha se kjo procedurë do të kryhet për të gjitha qarqet e vendit.

Nuri u shpreh se nesër do të ankimohet rezultati për qarkun Berat, e më pas për Korçën e Dibrën, ndërsa Elbasani, Durrësi dhe Tirana do të jenë qarqet e fundit që do të ankimohen, të radhitura kështu sipas datës së miratimit të rezultatet të tyre nga KQZ.

“Po, patjetër, ju konfirmoj se do t’i ankimojmë të gjitha qarqet. Është një vendimmarrje politike nga ana e PD-së që do të ankimohen të gjithë rezultatet, duke filluar edhe nga ato rezultate që kanë dalë në favorin tonë pas gjithë kësaj farse elektorale. Ne e nisëm me Kukësin, jo rastësisht, pasi ishte vendimi i zotit Çelibashi, i cili ishte vendimi i parë për certifikimin e rezultatit të Kukësit. Nëse nuk do ta ankimonim Kukësin, do të na skadonte afati. Nesër do të fillojmë me qarkun e Beratit, më pas me Korçën, Dibrën dhe me radhë, në varësi të momentit kur Çelibashi do të miratojë rezultatet përkatëse për secilin qark. Elbasani, Durrësi dhe Tirana do të jenë qarqet e fundit që do të ankimojmë, pasi dje u miratuan rezultatet e tyre,”-tha Nuri./CNA





Lajmet e fundit nga