web counter
LEXO PA REKLAMA!

SHKARKO APP

App Store
Google Play

E fundit!

x

Prerja e pemëve për koncertin e Noizy-t/ Teliti: Shkelje totale e ligjit, të mbahet përgjegjësi

25 Maj 2025, 21:26, Politikë CNA

Prerja e pemëve për koncertin e Noizy-t/ Teliti: Shkelje totale e

Anëtari i Këshillit Bashkiak të Tiranës, Dorian Teliti tha sot se prerja e pemëve për koncertin e Noizy-t,  të një sipërfaqe prej 42,934 m² gjelbërim në Parkun e Liqenit është një shkelje totale e ligjit. Në një dalje televizive, Teliti theksoi se ky vendim është marrë pa miratimin e Këshillit Bashkiak dhe për këtë arsye duhet të mbahet përgjegjësi.

Teliti u shpreh se çështja do të ndiqet në vijim për të zbardhur sesi është e mundur që një zonë 40 mijë m2 të merret në atë mënyrë.

“Zero informacion, absolutisht nuk ka kaluar në Këshillin Bashkiak. Është vendimmarrje e vetë Autoritetit Ekzekutiv të Bashkisë së Tiranë pa pyetur, pa diskutuar dhe pa marrë miratimin e Këshillit Bashkiak, se po flasim për tjetërsim të përdorimit të pronës. Ishte pronë publike, shohim do keqpërdoret për një aktivitet biznesi për të kryer koncerte si i datës 30, i atij që i bëri fushatën e tallavasë kryeministrit.

Është në shkelje totale të ligjit. Ishte surprizë për ne, por jo aq shumë sepse këto shkelje i kemi parë të bëhen gjatë 12 viteve të fundit. Fatkeqësisht dhe ajo kurorë e gjelbër po kafshohet nga godina, pallate dhe kull, vazhdon të kafshohet përzëri në zemër të parkut të liqenit që në vend që të shtonin gjelbërimin e Tiranës, shkojmë ndërtojmë dhe i kthehemi dhe anës tjetër për të kryer aktivitete tregtare.

Kush e ka marrë vendimin? Do e zbardhim këto ditë, por normalisht autoriteti më i lartë i Bashkisë Tiranë duke filluar që nga kryetari i bashkisë se Këshilli Bashkiak nuk e ka marrë këtë vendim. Automatikisht  autoriteti tjetër është kryetarja e bashkisë. Kryetarja e bashkisë do të dalë dhe do të mbajë përgjegjësi ligjore sa i përket fakti që si është e mundur që një zonë 40 mijë m2 merret.

Jemi në kuadër të shkelje të madhe ligjore që ne do ta ndjekim dhe do ta zbardhim dita ditës me ato mundësi që kemi.

 Sot është data 25 maj dhe nesër është dita e fundit që duhet lajmëruar mbledhja e Këshillit Bashkiak për muajin maj”,-tha Teliti./CNA





Lajmet e fundit nga