web counter
LEXO PA REKLAMA!

SHKARKO APP

App Store
Google Play

E fundit!

x

Helmimi i fëmijëve në Gramsh/ Xhaferri: Rasti trajtohet me propagandë, nuk mbahet përgjegjësi

26 Maj 2025, 13:26, Politikë CNA

Helmimi i fëmijëve në Gramsh/ Xhaferri: Rasti trajtohet me

Kreu i FRPD-së, Besart Xhaferri, ka reaguar sot lidhur me ngjarjen e ndodhur në një kopsht në Gramsh, ku fëmijët u helmuan nga salmonela. Përmes një postimi në rrjetet sociale, Xhaferri ka akuzuar Ministrinë e Arsimit se po e trajton rastin me propagandë, duke mos mbajtur asnjë përgjegjësi për këtë skandal.

Xhaferri shprehet se ngjarja u minimizua edhe nga kreu i Bashkisë Gramsh, pasi institucioni që po kryen hetimin drejtohet nga vëllai  i tij.

Sipas Xhaferrit, teksa fëmijët helmohen, bandat kërcënojnë prindërit të mos dalin në protesta.

“Helmimi i 72 fëmijëve në kopshtin publik të Gramshit nga salmonela po kurohet me propagandë nga Ministria e Arsimit dhe fshehje të dhënash sa i përket numrit të fëmijëve të helmuar nga institucionet e tjera.

Ministrja e Arsimit duke mos mbajtur asnjë përgjegjësi për këtë skandal në një institucion arsimor publik, në kohën kur prindërit kishin dalë për të protestuar në qendër të Gramshit, në faqen e saj në rrjete sociale publikonte pamjet e investimit për rikonstruksionin e shkollës “Rilindja” në Gramsh.

Pas Manastirliut doli dhe kreu i Bashkisë Gramsh që minimizoi rastin teksa e di mirë që ky skandal në kufijtë e krimit do hetohet nga Prokuroria e Elbasanit që drejtohet nga vëllai i tij.

Shëndeti i fëmijëve shqiptarë në kopshte e çerdhe është në mëshirë të tenderëve të Manualit 5D dhe pasi fëmijët helmohen bandat kërcënojnë prindërit të mos dalin në protesta”,-shprehet Xhaferri./CNA





Lajmet e fundit nga