web counter
LEXO PA REKLAMA!

SHKARKO APP

App Store
Google Play

Opozita, grevë urie në shtator?/ Berisha: Nuk përjashtohet asnjë variant

26 Maj 2025, 12:46, Politikë CNA

Opozita, grevë urie në shtator?/ Berisha: Nuk përjashtohet

Kryetari i Partisë Demokratike, Sali Berisha, ka zhvilluar një deklaratë për mediat, ku u shpreh se me Ramën nuk mund të ketë kurrë zgjedhje të lira.

Berisha u shpreh se në Qarkun e Durrësit 50 mijë vota u diktuan nga krimi dhe tha se në këtë qytet po zhvillohet një betejë për kryetarin e bashkisë.

Kryedemokrati u shpreh se do të vijojnë betejën për të rikthyer votën e lirë të shqiptarëve.

I pyetur nëse në shtator do të ketë ndonjë grevë urie nga opozita, Berisha deklaroi se nuk përjashtohet asnjë variant për rikthimin e vullnetit të lirë të qytetarëve.

“Me Edi Ramën zgjedhje të lira kurrë nuk mund të ketë. E kam thënë para këtyre zgjedhjeve, e them sot me bindjen më të madhe. Edi Rama ka krijuar shktetin elektoral. Në Durrës janë 50 mijë vota të diktuara nga krimi. Po bëhet beteja për kryetar bashkie në vend të Sakos. Çdo qytetar që beson se këto zgjedhje ishin farsë të pyesë veten a është i gatshëm të sakrifikojë për votën e lirë. A është i gatshëm të angazhohet në një betejë për t’u rikthyer shqiptarëve të drejtën e votës së lirë. Për ata që besojnë se me Ramën nuk ka zgjedhje të lira, largimi i Edi Ramës do të jetë qëllimi më madhor i shqiptarëve.

Një betejë e vështirë, por jo e pashpresë. Jam i gatshëm ta udhëheq gjer në fitore dhe me shembullin personal t’u rikthej votën e lirë. Asgjë nuk përjashtohet, asnjë variant. Rëndësi të jashtëzakonshme për ne ka që shqiptarët me ndërgjegje të plotë të binden se ishte një farsë dhe jo siç e paraqet proapaganda kriminale e qeverisë”, tha Berisha./ CNA





Lajmet e fundit nga