web counter
LEXO PA REKLAMA!

SHKARKO APP

App Store
Google Play

E fundit!

x

Sondazhi/ A duhet ta lirojë Gjykata e Lartë, Erion Veliajn?

26 Qershor 2025, 15:52, Politikë CNA

Sondazhi/ A duhet ta lirojë Gjykata e Lartë, Erion Veliajn?

Më datë 8 korrik, në Gjykatën e Lartë do të zhvillohet seanca gjyqësore për kryebashkiakun e arrestuar për vepra të rënda penale, Erion Veliajn.

Kryebashkiaku Veliaj, i kapur në disa raste me korrupsion, ka kërkuar ndryshim të masës së sigurisë.

Për kryebashkiakun Erion Veliaj ka 13 akuza për 4 vepra të rënda penale: Akuza e “Korrupsionit aktiv dhe pasiv i të zgjedhurve vendorë”, “Pastrimi i produkteve të veprës penale”, “Futjen e sendeve të ndaluara në qelitë e paraburgimit”, “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.

Në sajë të zhvillimeve, CNA ka krijuar një sondazh ku pyet qytetarët: “A duhet ta lirojë Gjykata e Lartë, Erion Veliajn?

Për të shprehur mendimin tuaj, keni në dispozicion tri alternativa “Po”, “Jo”, “Nuk e di”.

Poll

Erion Veliaj është arrestuar me 10 shkurt dhe fillimisht ndaj tij rëndonin 2 vepra penale korrupsion dhe pastrim i produkteve të veprës penale.

Më pas ndaj tij u shtua akuza për futjen e sendeve të ndaluara në qelitë e paraburgimit.

Në 22 maj SPAK-u i shtoi një tjetër akuzë “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.

Po ashtu u sekuestrua vila e Veliajt te Kodra e Diellit.

Në dispozicion të tij janë vënë dhe mediat e pushtetit të cilat Veliaj i përdor si vegël, e që po përpiqen ta shantazhojnë dhe dërgojnë mesazhe Gjykatës së Lartë, e cila pritet të marrë një vendim në datën 8 korrik për kryebashkiakun e arrestuar, Erion Veliaj./ CNA

 





Lajmet e fundit nga