web counter
LEXO PA REKLAMA!

SHKARKO APP

App Store
Google Play

Ish-kreu i PD-së në krye të Kadastrës/ Berisha: Nuk kam dijeni se si mori vlerësim nga partia e krimit

25 Qershor 2025, 12:58, Politikë CNA

Ish-kreu i PD-së në krye të Kadastrës/ Berisha: Nuk kam

Kryetari i Partisë Demokratike, Sali Berisha, ka zhvilluar një konferencë për mediat ku u pyet për emërimin e Genc Deromemajt në krye të Kadastrës së Vlorës.

Berisha tha se Deromemaj, i cili më parë kishte mbajtur postin e kryetarit të PD-së Vlorë, e ka njoftuar 10 ditë më parë kryedemokratin për largimin e tij.

Berisha u shpreh se kjo është një zgjedhje personale dhe deklaroi se Deromemaj nuk e kishte njoftuar për postin që do të merrte, post për të cilin Berisha tha se është një funksion në një vend që qëndrojnë vetëm 3 muaj.

Më tej Berisha tha se investimin e tij Genc Deromemaj e ka pasur në PD dhe ai nuk ka asnjë dijeni se si mori këtë vlerësim nga partia e krimit, referuar PS-së.

“Ky persona para 10 ditëve ka dërguar një mesazh ku më informon se do të largohet nga aktiviteti politik përgjithmonë. Është zgjedhje e tij.

Nuk kam dijeni për asnjë rast tjeter largimi. Nuk më njoftoi se do të merrte një funksion në një vend që rrinë nga 3 muaj zakonisht. Investimin e ka pasur në PD se si gjeti këtë vlerësim të lartë nga partia e krimit është puna e tij. Nuk kam dijeni”, tha Berisha./ CNA





Lajmet e fundit nga