web counter
LEXO PA REKLAMA!

SHKARKO APP

App Store
Google Play

E fundit!

x

Të gjitha gënjeshtrat që deklaroi live Alimehmeti

25 Qershor 2025, 09:54, Politikë CNA

Të gjitha gënjeshtrat që deklaroi live Alimehmeti

Të jesh mjek duhet të kesh si instrument të fortë të profesionit logjikën. Nuk mund të jesh mjek dhe të mos logjikosh dot, sepse diagnoza është edhe proces logjik bazuar mbi dijet e marra. Nëse dija është e cunguar, diagnoza del gabim. Nëse logjika nuk funksionon, diagnoza del gabim.

Nga kjo premisë duhen analizuar ato që mjeku Alimehmeti tha në daljen më të fundit në televizion.

Alimehmeti tha më shumë se një herë shprehjen "provat që ia kemi dorëzuar KAS-it".

Paralelisht me këtë thoshte edhe që KAS-i nuk e kishte qasur fare në derë duke vendosur që Alimehmeti nuk është i besueshëm vetëm si kandidat, ndaj kërkesa duhej paraqitur nga subjekti politik e jo nga ai.

Atëherë si ia paskësh dorëzuar Alimehmeti provat, kur ai as u qas në derën e KAS-it?

Thoshte edhe “shkoni pyesni dhe i shihni provat që kemi dorëzuar”! Po pse duhet shkuar për të pyetur kur kjo është logjikë e thjeshtë? Çfarë do të shohim nëse pyesim? Me logjikë e kupton që s'ke për të parë dot gjë edhe po more mendtë e Alimehmetit e merr rrugët për të pyetur.

Alimehmeti akuzoi numëruesit e PD-së që i kishin vjedhur votat dhe kur u detyrua të nxirrte një fije letër, doli (nga ai vetë), që votat i ishin hedhur gabim në sistem nga operatori. Pra, nga pretendimet e tij ra, po nga ai, vjedhja e 27 votave. Logjika ta do që edhe të tjerat mund të jenë njësoj të pavjedhura. S'ka nevojë të jesh mjek për t'u pajisur me logjikë në fakt! Logjika nuk është licencë që ta jep dikush. O e ke, o s'e ke!

Alimehmeti tha që KAS-i ia refuzoi rinumërimin e votave, kur është KAS-i që ka hapur dhe po rinumëron gjithë kutitë e Qarkut Tiranë.

Logjikë edhe kjo!

Alimehmeti tha që KAS-i ka interes të mbrojë numëruesit, ndaj nuk i hapi kamerat. Por kodi detyron subjektin e jo KQZ të verifikojë për llogari të ndonjë kandidati pamjet filmike. Dhe siç po dalin gjërat ky kufizim po rezulton i drejtë, pasiqë mund të dalin shumë si Alimehmeti që përtojnë të verifikojnë votat dhe i kërkojnë KQZ-së që t'i hapë e t’i verifikojë meqë s'paska punë tjetër. Alimehmeti kishte deklaruar që vjedhjen ai e kishte verifikuar nga pamjet filmike, por dje live rezultoi se dokumenti që nxori nuk ishte nxjerrë nga pamjet filmike. Ishte kopje e një procesverbali numërimi ku nuk kishte vjedhje fare.

Alimehmeti tha që votat i ishin hequr padrejtësisht nga KAS-i, por e vetmja fletë që nxori ishte një fletë votimi me shenjë jashtë kutisë së dedikuar për votim.

Të tjerat që tha vërtetojnë se ose nuk e ka lexuar ndonjëherë Kodin Zgjedhor, ose e ka lexuar dhe nuk e ka kuptuar, ose e ka lexuar, por i intereson të këpusë kumbulla alogjike.

Si mjek, secili variant është shumë i rëndë.

Alimehmeti pretendon që KAS dhe Kolegji i kanë ngrënë të drejtat, por ato të drejta nuk i ishin ngrënë nga Kryetari Berisha sepse ai publikisht e kishte mbështetur kërkesën. Por Berisha vulën e subjektit PD, në qoshe të kërkesës si kandidat nuk ia dha. Pse ishte veç KAS dhe Kolegji që ia refuzuan të drejtën?

Pyetje logjike apo jo?

Dy anëtarë të KAS, me urdhër të Flamur Nokës kërkuan rinumërimin e gjithë kutive të qarkut ku ishte kandidat Alimehmeti. Si i akuzon Alimehmeti ata të dy që me rinumërimin po kërkojnë të mbulojnë vjedhjet e komisionerëve? Po Flamuri çfarë po kërkon të mbulojë?
Quhet logjikë i dashur mjeku Alimehmeti!

Alimehmeti kërkon që kjo gjendje s'mund vazhdojë kështu se numërimi u dashka bërë me makina. Po ku ka qenë Alimehmeti kur kërkohej numërimi ekektronik dhe PD ka 10 vjet që e refuzon?

Mjek bëhesh nuk lind, por si kusht për t'u bërë mjek duhet të ushtrohesh në logjikë./ CNA





Lajmet e fundit nga