web counter
LEXO PA REKLAMA!

SHKARKO APP

App Store
Google Play

E fundit!

x

"Të nxorën kartelet nga Parlamenti"/ Debat i ashpër Berisha-Koçi

26 Qershor 2025, 12:19, Politikë CNA

"Të nxorën kartelet nga Parlamenti"/ Debat i ashpër

Në seancën e sotme plenare, kryetari i Partisë Demokratike, Sali Berisha, dhe deputeti i Partisë Socialiste, Petro Koçi, janë përfshirë në një debat me tone të ashpra.

Kryedemokrati i tha Koçit se ai u nxor nga Parlamenti i ardhshëm nga kartelet e krimit, pasi po të ishte pjesë e tyre do të kishte marrë një mandat deputeti.

Më tej Berisha i tha deputeti socialist se ai është thjesht një automat që nuk ka çfarë jep më, pasi flet vetëm ato që i thonë.

“Petro, kush të nxori ty nga parlamenti? Kartelet të nxorën. Unë e di se do të dalësh këtu të thuash jo e jo, por ato të nxorën, se po të kishe qenë i tyri, nuk do të dilje ti. Je një automat, nuk ke se çfarë jep ti se ti thua vetëm atë që të kanë programuar. Kështu që në qoftë se në Shqipëri, ku është ajo Sara, as Zegjineja nuk kanë ardhur këtu, pra në qoftë se në Shqipëri u zhvillua farsa më e shëmtuar elektorale, ajo pati pasqyrimin më damkosës në botë”, tha Berisha.

 

Në kundërpërgjigjen e tij për kreun e PD-së, Koçi tha se Berisha është kampion i vjedhjes dhe grushtit të shtetit në '96. Koçi iu drejtua Berishës duke i thënë se ai që burgosi Fatos Nanon nuk mund të flasë për zgjedhjet.

Më tej, deputeti socialist i tha kryedemokratit se është në të njëjtat frekuenca me Maduron.

“Sali ti je i fundit në Republikën e Shqipërisë që mund të flasësh për zgjedhjet e lira. Je kampioni i vjedhjes dhe grushtit të shtetit në '96. A e mban mend ç’i ke bërë kreut të PS-së në Librazhd, e masakruat. Një rrahje barbare me bandat tuaja elektorale? E mban mend ç’u ke bërë komisionerëve të Fierit?

I keni rrahur me bandën që bridhte. Në prezencë të deputetëve që vinin nga Italia të qendrës së votimit Shkolla Industriale. Banda qëlloi komisionerin e PS-së, Viktor Mihaj, trim mbi trimat. E qëlluat në sy të tyre. Ndërhyri pastaj ambasadori italian. Ti që burgose Fatos Nanon për politikë. Mos fol më për zgjedhje. Je në të njëjtën frekuencë me Maduron. Duke akuzuar shqiptarët si mafie ndërkombëtare. Turp të kesh”, u shpreh Koçi./ CNA





Lajmet e fundit nga