web counter
LEXO PA REKLAMA!

SHKARKO APP

App Store
Google Play

Procesi zgjedhor/ Celibashi: Kemi ende probleme, mazhoranca mos të bëhet pengesë

26 Qershor 2025, 10:04, Politikë CNA

Procesi zgjedhor/ Celibashi: Kemi ende probleme, mazhoranca mos të

Komisioneri Shtetëror i Zgjedhjeve, Ilirjan Celibashi, i pranishëm në tryezën “Reformë gjithëpërfshirëse për integritetin e zgjedhjeve”, është ndalur te raporti paraprak i OSBE/ODIHR për zgjedhjet e 11 majit.

Celibashi tha se gjetjet e OSBE/ODIHR nuk kontestohen nga asnjë palë politike dhe kjo e bën më të lehtë të jepen gjykime të drejta mbi procesin zgjedhor.

Më tej, kreu i KQZ-së tha se nisur nga gjetjet paraprake të misionit të OSBE, rezulton se ka ende probleme që duhet të zgjidhen në lidhje me procesin zgjedhor.

Celibashi deklaroi se shpreson që mazhoranca mos të jetë pengesë në arritjen e një konsensusi në lidhje me përmirësimet që duhet të bëhen për procesin zgjedhor në vend.

"Askush nuk konteston gjetjet e OSBE-ODIHR. Kjo e bën më të lehtë dhënien e gjykimeve të drejta të procesit zgjedhor. Dhe pse partitë kanë lexime të ndryshme të të njëjtave gjetje. Nisur nga vlerësimet dhe gjetjet paraprake për zgjedhjet e 11 majit duhet të pranojmë se kemi akoma probleme.

Duhet të heqim mundësinë për të vënë në diskutim integritetin e procesit zgjedhor. Mazhoranca shpresoj mos të jetë pengesë për të pasur konsensus në lidhje me atë se çfarë duhet të përmirësojmë në procesin zgjedhor në Shqipëri”, tha Celibashi./ CNA





Lajmet e fundit nga