web counter
LEXO PA REKLAMA!

SHKARKO APP

App Store
Google Play

E fundit!

x

Seanca plenare/ Zhupa-Ballës: Do të njihesh si Taulant "zarfi", sa zarfe ke plotësuar ti

26 Qershor 2025, 13:35, Politikë CNA

Seanca plenare/ Zhupa-Ballës: Do të njihesh si Taulant

Deputetja e Partisë Demokratike, Ina Zhupa, në fjalën e saj të mbajtur gjatë seancës plenare ka hedhur akuza ndaj Taulant Ballës në lidhje me votat e diasporës.

Zhupa i tha Ballës se do të njihet si Taulan "zarfi", pasi sipas saj ka plotësuar zarfe më shumë se çdo punonjës poste.

Më tej, deputeja e PD-së tha se ish-ministrja Xhaçka i ka marrë votat e diasporës nga aksesi që ish-ministrja ka në ambasada dhe listat që janë bërë.

Zhupa deklaroi se shkrimi i votave të diasporës me firmë dhe emër, ka mungesë të tyre dhe për këtë PD disponon prova të sakta.

“Pika themelore e projektligjit janë informacione dhe siguri. Kur diskuton këtu zoti Taulant 'zarfi' sepse kështu do të njihesh tani. Sa zarfe ke plotësuar ti nuk ka plotësuar asnjë punonjës poste që është në pension. Sa keni fabrikuar ju nuk ka njeri tjetër rekord në Shqipëri apo botë. Të flisni ju për informacione dhe siguri është të vësh duart në kokë. Një listë e telefonave të emigrantëve është përdorur nga funksionarë të PS-së për të dërguar mesazhe të personalizuara.
Është fakt, mjafton të shikoni si një ish-ministre e Jashtme zonja Olta Xhaçka merr votat e diasporës nga aksesi që ka në ambasada nga lista që janë bërë. Përçudnon procesin edhe me palën tjetër politike edhe brenda radhëve tuaja. Marrja e të dhënave personale ka qenë publike se si rrodhën dhe si përdorët në fushatë çdo të dhënë personale të individëve në Shqipëri në procesin e patronazhimit të votuesit.
Ndërkohë që në vend të shkrimit të votave të diasporës me firmë, emrin sipas kontratës, Partia Demokratike ka provat e sakta të cilat tregojnë qartësisht se këto nënshkrime mungojnë, ose në rastin e mirë janë pika dhe viza. Ne vijmë nga raportimi në Strasburg nga takimet me eurodeputetët, të gjithë janë informuar se në Shqipëri nuk janë kryer zgjedhje të lira dhe të ndershme, por ka funksionuar shtet elektoral i bërë njësh me PS-në, që shpërndau çdo të mirë elektorale”, tha ajo./ CNA





Lajmet e fundit nga