web counter
LEXO PA REKLAMA!

SHKARKO APP

E fundit!

x

SPAK paraqet në GJKKO raportin dymujor të hetimeve ndaj Erion Veliajt

17 Qershor 2025, 12:21, Aktualitet CNA

SPAK paraqet në GJKKO raportin dymujor të hetimeve ndaj Erion Veliajt

Prokuroria e Posaçme paraqet sot në GJKKO raportin dymujor të hetimeve ndaj kryetarit të arrestuar të Bashkisë Tiranë, Erion Veliaj.

Seanca gjyqësore ndaj Veliajt ka nisur në orën 11:30. 

Mësohet se Veliaj nuk është paraqitur në këtë seancë dhe do të përfaqësohet nga avokatët.

I pranishëm në seancën e sotme do të jetë një nga biznesmenët e përfshirë në hetime, Elman Abule.

SPAK do të paraqesë informacionin dy mujor lidhur me hetimet për kryebashkiakun e Tiranës, i cili ndodhet në burg që prej datës 10 Shkurt 2025.

Për kryebashkiakun Erion Veliaj ka 12 akuza për 4 vepra të rënda penale: Akuza e “Korrupsionit aktiv dhe pasiv i të zgjedhurve vendorë”, “Pastrimi i produkteve të veprës penale”, “Futjen e sendeve të ndaluara në qelitë e paraburgimit”, “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.

Më herët, GJJKO la në fuqi sekuestron për apartamentin e Veliajt./CNA

 





Lajmet e fundit nga